ജയ്പൂർ: രാജസ്ഥാൻ റോയൽസിൽ നിന്നും റോബിൻ ഉത്തപ്പ പടിയിറങ്ങുന്നു. ചെന്നൈ സൂപ്പർ കിംഗ്സിനാണ് താരത്തെ വിറ്റത്. ഐ.പി.എൽ 2021 സീസണിൽ ധോണിക്ക് കീഴിൽ ഉത്തപ്പ ഇനി കളിക്കും. 2020 സീസണലിൽ ലേലത്തിലൂടെയാണ് ഉത്തപ്പയെ രാജസ്ഥാൻ സ്വന്തമാക്കിയത്. ഫ്രാഞ്ചൈസിക്കായി 12 മത്സരങ്ങൾ ഉത്തപ്പ കളിച്ചു. വിവിധ പൊസിഷനുകളിലായിട്ടാണ് രാജസ്ഥാന് വേണ്ടി ഉത്തപ്പ കളത്തിലിറങ്ങിയത്. ഐ.പി.എല്ലിൽ ആകെ 189 മത്സരങ്ങളിലായി 182 ഇന്നിംഗ്സിലാണ് കളിച്ചത്. 4607 റൺസ് നേടിക്കഴിഞ്ഞു. 87 റൺസാണ് ഏറ്റവും ഉയർന്ന സ്കോർ.
മുഷ്താഖ് അലി ട്രോഫിയിൽ കേരളത്തിനായി സഞ്ജു സാംസണിന്റെ കീഴിൽ ഓപ്പണറായി ഇറങ്ങിയ ഉത്തപ്പയ്ക്ക് പക്ഷെ സഞ്ജുവിന്റെ കീഴിൽ രാജസ്ഥാന് വേണ്ടി കളിക്കാനുള്ള അവസരമാണ് ഇല്ലാതായത്. സ്മിത്ത് അടക്കം ഏഴുപേരെയാണ് രാജസ്ഥാൻ റോയൽസ് ടീമിൽ നി്ന്നും ഒഴിവാക്കിയത്. അതേ സമയം ബെൻ സ്റ്റോക്സിനേയും ജോസ് ബട്ലറേയും ജോഫ്രാ ആർച്ചറേയും നിലനിർത്തി. കഴിഞ്ഞ സീസണിൽ ആർച്ചർ 20 വിക്കറ്റുകളാണ് രാജസ്ഥാന് വേണ്ടി വീഴ്ത്തിയത്.
