തിരുവനന്തപുരം: ഡിസിസി ഓഫീസിന് മുന്നിൽ ജനം ടി വി മാധ്യമസംഘത്തിന് നേരെ കൈയേറ്റ ശ്രമവും ഭീഷണിയും. തിരുവനന്തപുരം റിപ്പോർട്ടർ ശ്യാമപ്രസാദിനും ക്യാമറാമാനും നേരെയാണ് കോൺഗ്രസ് പ്രവർത്തകന്റെ ഭീഷണിയും കൈയേറ്റവും ഉണ്ടായത്.
യൂത്ത് കോൺഗ്രസ് സംസ്ഥാന സെക്രട്ടറി ശംഭു പാൽക്കുളങ്ങരയാണ് മാധ്യമസംഘത്തെ ആക്രമിക്കാൻ ശ്രമിച്ചത്. രാവിലെ കെപിസിസി ഓഫീസിന് മുന്നിൽ ലൈവ് നൽകിയ ശേഷമാണ് ജനം ടി വി സംഘം അടുത്ത വാർത്തയ്‌ക്കായി ഡിസിസി ഓഫീസിന് മുന്നിലെത്തിയത്. ഇവിടെ ലൈവ് റിപ്പോർട്ടിങ് നടത്തുന്നതിനിടെയാണ് സംഭവം.
ഒടുവിൽ സ്ഥലത്തുണ്ടായിരുന്ന പൊലീസ് ഇടപെട്ടാണ് ഇയാളെ പിന്തിരിപ്പിച്ചത്. നേരത്തെ കോൺഗ്രസ് ചിന്തൻ ശിബിരത്തിനിടെ ദളിത് പെൺകുട്ടിയെ പീഡിപ്പിക്കാൻ ശ്രമിച്ചെന്ന ആരോപണവും ഇയാൾക്കെതിരെ ഉയർന്നിരുന്നു. ഇതിനെ തുടർന്ന് പാർട്ടി ഇയാളെ സസ്പെൻഡ് ചെയ്തിരുന്നെങ്കിലും പിന്നീട് തിരിച്ചെടുത്തു. പാലോട് രവിയുടെ വിശ്വസ്തനാണ് ശംഭു പാൽക്കുളങ്ങര. മുഖ്യമന്ത്രി വി.ഡി. സതീശനുമായും അടുത്ത ബന്ധമുണ്ട്. വിവേക് നായർ എന്നാണ് ഇയാളുടെ യഥാർത്ഥ പേര്.
