ചെന്നൈ: ഇന്ത്യക്കെതിരെ ക്രിക്കറ്റ് പരമ്പരയ്ക്കായുള്ള ഇംഗ്ലണ്ട് ടീം നാളെ ചെന്നൈയിലെത്തും. ആറു ദിവസത്തെ ക്വാറൻൈന് ശേഷമാണ് പരിശീലനത്തിന് അനുമതിയുള്ളത്. ഇംഗ്ലണ്ട് നിരയിലെ ഓൾറൗണ്ടർ ബെൻ സ്റ്റോക്സ് ഇന്നലെ തന്നെ ചെന്നൈയിലെത്തി. നിലവിൽ ശ്രീലങ്കയിലുള്ള ടീമിനൊപ്പം സ്റ്റോക്സ് ഉണ്ടായിരുന്നില്ല.
ഫെബ്രുവരി അഞ്ചാം തീയതിയാണ് പരമ്പര ആരംഭിത്തുന്നത്. ആകെ മൂന്ന് ദിവസം മാത്രം പരിശീലനത്തിന് ലഭിക്കുകയുള്ളു എന്നതാണ് ഇംഗ്ലണ്ടിന് ഉള്ള പരിമിതി. പരിശീലനം രണ്ടാം തീയതിയാണ് ആരംഭിക്കുക. ചിദംബരം സറ്റേഡിയത്തിലാണ് പരിശീലനം നടക്കുക. ആകെ നാലു ടെസ്റ്റ് മത്സരങ്ങളാണ് പരമ്പരയിലുള്ളത്. തുടർന്ന് അഞ്ച് മത്സരങ്ങളടങ്ങുന്ന ടി20 പരമ്പരയും അവസാന ഘട്ടത്തിൽ മൂന്ന് ഏകദിന മത്സരങ്ങളും നടക്കും. ടി20 മാർച്ച് 12ന് ആരംഭിക്കും. ഏകദിനങ്ങൾ 23-ാം തീയതി തുടങ്ങും.
