ന്യൂഡൽഹി: ഇന്ത്യൻ വിപണിയിലേക്ക് അരങ്ങേറ്റം കുറിച്ച് റെനോ കൈബർ. രാജ്യാന്തര അരങ്ങേറ്റം കുറിക്കുന്നതിനു മുൻപ് ഇന്ത്യയ്ക്കായി രൂപകൽപ്പന ചെയ്ത് വികസിപ്പിച്ചെടുത്ത ഒരു പുതിയ കോംപാക്റ്റ് എസ്യുവിയാണ് കൈഗറെന്ന് റെനോ പറയുന്നു. ഡസ്റ്റർ, ക്വിഡ്, ട്രൈബർ എന്നിവ പോലെതന്നെ കൈഗറും അതിന്റെ സെഗ്മെന്റിലെ ഗെയിംചേഞ്ചർ ആകുമെന്നാണ് കമ്പനി അവകാശപ്പെടുന്നത്.
സ്പോർട്ടി, മസ്കുലർ ഘടകങ്ങൾ ഉപയോഗിച്ച് രൂപകൽപ്പന ചെയ്ത കൈഗർ ഒരു യഥാർത്ഥ എസ്യുവിയായി വേറിട്ടുനിൽക്കുന്നു. പുതിയ ടർബോചാർജ്ഡ് 1.0 ലിറ്റർ പെട്രോൾ എഞ്ചിനാണ് വാഹനത്തിനുള്ളത്. കൂടാതെ റെനോയുടെ ആഗോള ശ്രേണിയിൽ ഇതിനകം അവതരിപ്പിച്ച ഏറ്റവും പുതിയ സാങ്കേതിക കണ്ടുപിടിത്തങ്ങൾ വാഗ്ദാനം ചെയ്യുന്നു. ആധുനികവും കാര്യക്ഷമവുമായ എഞ്ചിൻ ഒരു സ്പോർട്ടി ഡ്രൈവ് ഉറപ്പാക്കുന്നു. ഉപഭോക്താവിന്റെ ഡ്രൈവിംഗ് മുൻഗണനകൾക്ക് ഏറ്റവും അനുയോജ്യമാകുന്ന തരത്തിൽ മൾട്ടി സെൻസ് ഡ്രൈവ് മോഡുകളും നൽകിയിട്ടുണ്ട്.
ഡസ്റ്റർ, ക്വിഡ്, ട്രൈബർ എന്നിവയ്ക്ക് ശേഷം ഇന്ത്യൻ വിപണിയിൽ തികച്ചും അനുയോജ്യമായ ഒരു ആധുനിക എസ്യുവിയായ കൈഗറിന്റെ ആരംഭത്തിനായി ഞങ്ങൾ ഇപ്പോൾ ഒരുങ്ങുകയാണെന്ന് റെനോ ബ്രാൻഡ്, സെയിൽസ് & ഓപ്പറേഷൻസ് എസ്വിപി ഫാബ്രിസ് കംബോലൈവ് പറഞ്ഞു. റെനോ വാഗ്ദാനം ചെയ്യുന്ന ഏറ്റവും മികച്ചവ കൈഗർ സംയോജിപ്പിക്കുന്നു. ക്രിയാത്മകതയാൽ നൂതന കാറുകളിലെ ഞങ്ങളുടെ വൈദഗ്ദ്ധ്യവും ഉപഭോക്തൃ ആവശ്യങ്ങളെക്കുറിച്ചുള്ള ആഴത്തിലുള്ള അറിവും. റെനോ ശരിക്കും ഗെയിം ചെയിഞ്ചർ ആണെന്നതിന്റെ ശക്തമായ തെളിവാണെന്നും അദ്ദേഹം പറഞ്ഞു.
