മിലാൻ: സൂപ്പർതാരങ്ങളായ ഇബ്രാഹിമോവിച്ചിനും ലൂക്കാക്കുവിനും ഒരു മത്സരത്തിൽ വിലക്ക് ഏർപ്പെടുത്തി ഇറ്റാലിയൻ ലീഗ് അധികൃതർ. എ.സി.മിലാൻ ഇൻർ മിലാൻ പോരാട്ടത്തിനിടെയാണ് കോപ്പാ ഇറ്റാലിയയിൽ സൂപ്പർ താരങ്ങൾ കയ്യാങ്കളി നടത്തിയത്. കളിക്കളത്തിലെ ഏറ്റുമുട്ടലിന്റെ പേരിൽ ഇരുവർക്കും ഒരു മത്സരത്തിൽ വിലക്ക് ഏർപ്പെടുത്തിയിരിക്കുകയാണ്.
കളിക്കളത്തിലെ കയ്യാങ്കളിക്ക് പുറമേ തുപ്പിയതും വിവാദമായിരുന്നു. ഇരുവർക്കും രണ്ട് മഞ്ഞകാർഡ് വീതവും ലഭിച്ചതിനെ തുടർന്നാണ് വിലക്ക്. ഇബ്രഹിമോ വിച്ചിന് ഒരു മത്സരത്തിൽ രണ്ടു തവണ റഫറി മഞ്ഞകാർഡ് കാണിച്ചു. ലൂകാകുവിന് സീസണിൽ രണ്ടാം മഞ്ഞ കാർഡ് കാണേണ്ടി വന്നതിനാലാണ് ഒരു കളി നഷ്ടമാകുന്നത്. കളിക്കിടെ വംശീയമായി ഒരു അധിക്ഷേപവും നടത്തിയില്ലെന്ന് ഇബ്രഹിമോവിച്ച് പറഞ്ഞു. എന്നാൽ അധികൃതർ അന്വേഷണം നടത്തുമെന്നാണ് അറിയിച്ചിരിക്കുന്നത്.
