ചെന്നൈ: ഇന്ത്യക്കെതിരെ ഇംഗ്ലീഷ് പടനായകൻ നാളെ ഇറങ്ങുന്നത് തന്റെ നൂറാം ടെസ്റ്റിനായി.ടീം ഇഗ്ലണ്ടിന്റെ ഏറ്റവും മികച്ച ബാറ്റ്സ്മാനെന്ന നിലയിലും നായകനെന്ന നിലയിലും റൂട്ട് അഭിമാനത്തോടെയാണ് ഇന്ത്യക്കെതിരെ ഇറങ്ങുന്നത്. ശ്രീലങ്കയെ അവരുടെ മണ്ണിൽ തറപറ്റിച്ചാണ് ഇംഗ്ലണ്ടിന്റെ വരവ്.
‘സെഞ്ച്വറികൾ തന്റെ ബാറ്റിൽ നിന്നും ഒഴുകുന്നതിൽ സന്തോഷം.എന്നാൽ നൂറാം ടെസ്റ്റ് കളിക്കാനാവുക എന്നാൽ ക്രിക്കറ്റ് ലോകത്തെ ചെറിയകാര്യമല്ല. ലോകം കണ്ട പ്രതിഭാശാലികളായ കളിക്കാർ മാത്രമാണ് രാജ്യങ്ങൾക്കായി നൂറ് ടെസ്റ്റുകളിൽ കളിച്ചിട്ടുള്ളതെന്നത് തന്നെ ആവേശഭരിതനാക്കുന്നു. ഷെഫ്ഫീൽഡിലെ ആ ചെറിയകുട്ടി ഇംഗ്ലണ്ടിനായി കളിക്കുന്നത് സ്വപ്നം കണ്ട ആ ഓർമ്മകൾ ആവേശം തരികയാണ്.’ റൂട്ട് പറഞ്ഞു.
ശ്രീലങ്കയ്ക്കെതിരെ 2-0ന്റെ പരമ്പര ജയത്തിൽ 228 റൺസും 186 റൺസും കുറിച്ചാണ് ടീമിനെ മുന്നിൽ നിന്നും നയിച്ചത്. 2012ലാണ് ഇന്ത്യ സ്വന്തം മണ്ണിൽ ഒരു ടെസ്ററ് തോൽവി അറിഞ്ഞത്. അത് അലസ്റ്റർ കുക്കിന്റെ നേതൃത്വത്തിലിറങ്ങിയ ഇംഗ്ലണ്ടിനോടായിരുന്നു. അന്നും റൂട്ട് ടീമിന്റെ ഭാഗമായിരുന്നു.
Comments