ദുബായ് : ഐസിസി പുതുതായി ഏര്‍പ്പെടുത്തിയ പ്ലെയര്‍ ഓഫ് ദ മന്ത് പുരസ്കാരത്തിന് ഇന്ത്യയുടെ വിക്കറ്റ് കീപ്പർ ബാറ്റ്സ്‍മാന്‍ റിഷഭ് പന്ത് അർഹനായി. കഴിഞ്ഞ ഒരു മാസത്തെ മികച്ച പ്രകടനത്തിന്റെ അടിസ്ഥാനത്തിലാണ് പ്ലെയര്‍ ഓഫ് ദ മന്ത് പുരസ്കാരം ഐസിസി നൽകുന്നത്. വനിതാ വിഭാഗത്തിലെ പുരസ്കാരം ദക്ഷിണാഫ്രിക്കയുടെ ഷബ്നിം ഇസ്മായിലിനാണ്.
ഓസ്ട്രേലിയയ്‌ക്കെതിരായ ടെസ്റ്റ് പരമ്പരയിലെ തകർപ്പൻ പ്രകടനമാണ് പന്തിനെ പുരസ്കാരത്തിന് അർഹനാക്കിയത്. ഓസ്ട്രേലിയക്കെതിരെ സിഡ്നിയില്‍ 97 റണ്‍സും ബ്രിസ്ബേയ്നില്‍ 89 റണ്‍സും നേടിയ പന്ത് ഇന്ത്യയുടെ പരമ്പര വിജയത്തില്‍ നിര്‍ണ്ണായക പങ്കുവഹിച്ചിരുന്നു. അവസാന മത്രത്തിൽ പന്തിന്റെ പ്രകടമായിരുന്നു ഇന്ത്യയ്‌ക്ക് ജയം സമ്മാനിച്ചത്. വിമർശകർക്കുള്ള മറുപടി കൂടിയായിരുന്നു താരത്തിന്റെ പ്രകടനം.
പാകിസ്ഥാനെതിരായ ഏകദിന, ട്വന്റി 20 പരമ്പരകളിലെ പ്രകടനമാണ് ഷബ്നിം ഇസ്മായിലിനെ പുരസ്കാരത്തിന് അർഹയാക്കിയത്. മികച്ച പ്രകടനമായിരുന്നു താരം പരമ്പരയിൽ നടത്തിയത്.
