ദോഹ: ഖത്തർ ഓപ്പൺ ഡബ്ലു.ടി.എ ടെന്നീസിൽ സാനിയ മിർസ-ക്ലിപാക് സഖ്യം ഇന്ന് ക്വാർട്ടർ പോരാട്ടത്തിനിറങ്ങും. നാലാം സീഡ് ക്യാനഡയുടെ ദാബ്രോവ്‌സ്‌കി-റഷ്യയുടെ ബ്ലിങ്കോവ സഖ്യമാണ് എതിരാളികൾ.
കഴിഞ്ഞ മത്സരത്തിൽ ഒന്നിനെതിരെ രണ്ട് സെറ്റുകൾക്കാണ് സാനിയാ സഖ്യം ജയിച്ചത്. ഉക്രെയിൻ ജോഡികളായ ല്യൂഡ്‌മൈലാ -നാദിയാ സഖ്യത്തെയാണ് സാനിയ ക്ലീപാക് സഖ്യം തകർത്തത്.
ഒരു വർഷത്തെ ഇടവേളയ്‌ക്ക് ശേഷമാണ് സാനിയ കോർട്ടിലിറങ്ങുന്നത്. കൊറോണ കാലം തുടങ്ങും മുന്നേ കഴിഞ്ഞ വർഷം ഇതേ ടൂർണ്ണമെന്റിൽ കളിച്ച ശേഷം ഒരു പ്രൊഫഷണൽ മത്സരത്തിലും സാനിയ പങ്കെടുത്തില്ല. കഴിഞ്ഞ സീസണിലെ യു.എസ്.ഓപ്പണിലും ഈ സീസണിലെ ആദ്യ ഗ്രാൻഡ് സ്ലാമായ ഓസ്‌ട്രേലിയൻ ഓപ്പണിലും സാനിയയ്‌ക്ക് മത്സരിക്കാനായില്ല. ഇതിനിടെ ഈ ജനുവരിയിൽ കൊറോണ ബാധിതയായെങ്കിലും പൂർവ്വാധികം ശക്തിയോടെയാണ് സാനിയ പരിശീലനം ആരംഭിച്ചത്.
