വോട്ടറുടെ ചിത്രങ്ങൾ വെച്ച് വോട്ടർപട്ടികയിലെ ഇരട്ടിപ്പ് കണ്ടെത്താൻ കഴിയില്ലെന്ന മുഖ്യ തെരഞ്ഞെടുപ്പ് ഉദ്യോഗസ്ഥൻ ടിക്കാറാം മീണയുടെ പരാമർശത്തിന് വെല്ലുവിളിയുമായി ഫേസ്ബുക്ക് പോസ്റ്റ്. റസ്സൽ റഹിം എന്ന ഡേറ്റ അനലിസ്റ്റാണ് വെല്ലുവിളിയുമായി രംഗത്തെത്തിയത്. 24 മണിക്കൂറും വോട്ടർമാരുടെ വിവരങ്ങളും തരാമെങ്കിൽ വോട്ടുകൾ ഇരട്ടിച്ചത് കണ്ടെത്തിക്കൊടുക്കാമെന്ന് റസ്സൽ റഹിം ഫേസ്ബുക്ക് പോസ്റ്റിൽ വ്യക്തമാക്കി.
ആരെയാണ് നിങ്ങൾ വിഡ്ഢികളാക്കാൻ ശ്രമിക്കുന്നതെന്നും അദ്ദേഹം ഫേസ്ബുക്ക് പോസ്റ്റിൽ ചോദിക്കുന്നു. ഒരേ ഐഡിയിൽ 64672 വോട്ടുകൾ വോട്ടർ പട്ടികയിൽ ഉണ്ടെന്നും അദ്ദേഹം പോസ്റ്റിൽ വ്യക്തമാക്കുന്നുണ്ട്.
https://www.facebook.com/russel.rahim/posts/10161467131539554
വോട്ടിരട്ടിപ്പും വാജ വോട്ടുകളും ലക്ഷക്കണക്കിന് വോട്ടർ പട്ടികയിൽ കടന്നു കൂടിയിട്ടുണ്ടെന്ന ആരോപണം നിലനിൽക്കുന്ന സാഹചര്യത്തിലാണ് റസൽ റഹിമിന്റെ പരാമർശം. വോട്ടുകൾ ഇരട്ടിക്കുന്നത് ആദ്യമായല്ലെന്നും ബി‌എൽഒ മാർ നേരിട്ട് പരിശോധിക്കുന്നതു കൊണ്ടാണ് ഇത് സംഭവിക്കുന്നതെന്നും മുഖ്യ തെരഞ്ഞെടുപ്പ് ഓഫീസർ ടിക്കാറാം മീണ നേരത്തെ വിശദീകരിച്ചിരുന്നു.
