മരിച്ചു പോയതിനു ശേഷം എന്താണ് സംഭവിക്കുന്നത്… എന്തായിരിക്കും പിന്നീടുള്ള അവസ്ഥ…. അതൊന്നും നമുക്ക് അറിയില്ല. എന്നാല്‍ അഗാധമായ ഒരു ഉറക്കമാണ് മരണമെന്നാണ് ഭൂരിഭാഗം ആളുകളും കരുതി വെച്ചിരിക്കുന്നത്. എന്നാല്‍ മരണ ശേഷം ദൈവത്തിങ്കല്‍ തനിക്കൊരു സ്ഥാനമുണ്ടെന്ന് വിശ്വസിക്കുന്നവരും കുറവല്ല.
കൂടാതെ മരണത്തോട് മല്ലിട്ട് അങ്ങേയറ്റം വരെ പോയി തിരിച്ചു വന്ന ആളുകളുടെ കഥയും നാം കണ്ടിട്ടുണ്ട്. എന്നാല്‍ ഇപ്പോള്‍ സോഷ്യല്‍ മീഡിയയില്‍ വൈറലായി കൊണ്ടിരിക്കുന്നത് മരിച്ചു ജീവിച്ച ഒരു യുവതിയുടെ അനുഭവങ്ങളാണ് ഹൃദയാഘാതം സംഭവിച്ച് 12 മിനിറ്റ് ഹൃദയം നിലച്ചു എങ്കിലും അത്ഭുതകരമായി ജീവിതത്തിലേക്ക് തിരിച്ചെത്തി. ഹൃദയമിടിപ്പ് മാത്രമല്ല, പള്‍സ്, തലച്ചോറിലെ തരംഗചലനം ഒന്നും തന്നെ ഉണ്ടായിരുന്നില്ല. തീര്‍ത്തും ജഡം കണക്ക് എന്ന് തന്നെ പറയാം. സാന്‍ഡി ഇന്ന് യുവതിയാണ് മരിച്ചു എന്നു കരുതിയ ശേഷം ജീവിതത്തിലേക്ക് തിരിച്ചെത്തിയത്.
‘നിയര്‍ ഡെത്ത് എക്‌സ്പീരിയന്‍സ് ഫൗണ്ടേഷ’ന്റെ ‘വെബ്‌സൈറ്റില്‍ സാന്‍ഡി പങ്കുവെച്ച അനുഭവക്കറിപ്പാണ് ഇപ്പോള്‍ സോഷ്യല്‍ മീഡിയയില്‍ വൈറലായി കൊണ്ടിരിക്കുന്നത്. ”ഞാന്‍ എവിടെയാണെന്ന് എനിക്കറിയാമായിരുന്നു. എന്നാല്‍ ഞാന്‍ അവിടെ ഉണ്ടായിരുന്നെങ്കിലും ദശലക്ഷം മൈലുകള്‍ക്ക് അപ്പുറമായിരുന്നു. എന്റെ ബോധം മറഞ്ഞിരുന്നതായും പ്രതികരണ ശേഷി നഷ്ടപ്പെട്ടിരുന്നതായും സുഹൃത്തുക്കള്‍ പറഞ്ഞു. എന്നാല്‍, അവര്‍ എന്താണ് യഥാര്‍ഥത്തില്‍ ആ സമയത്ത് പറഞ്ഞിരുന്നതെന്ന് എനിക്ക് പറയാന്‍ കഴിയും. അവര്‍ എവിടെയാണെന്നും ആ സമയത്ത് അവരുടെ കൈകളില്‍ എന്തായിരുന്നുവെന്നും എനിക്ക് പറയാനാകും.എന്റെ കണ്ണുകള്‍ അടഞ്ഞിരുന്നുവെങ്കിലും ഞാന്‍ എല്ലാം കാണുന്നുണ്ടായിരുന്നു. ഞാന്‍ എന്റെ ഓര്‍മകെള തിരികെ കൊണ്ടു വരാന്‍ ശ്രമിച്ചു. പക്ഷേ എനിക്കതിന് സാധിച്ചില്ല, എല്ലാം മാഞ്ഞു പോകുകയായിരുന്നു.പിന്നീട് എന്റെ കൂടെ ആരോ ഉണ്ടായിരുന്നു. അത് എന്നെ ഭയപ്പെടുത്തി. ഇരുട്ട് നിറയുന്നത് കണ്ടു, ചിന്തയിലും ഇരുട്ടും ഭയവുമായിരുന്നു. ഉച്ചത്തില്‍ അലറികരയണമെന്ന് തോന്നി.”എന്നാണ് സാന്‍ഡി എന്‍.ഡി.ഇ.ആര്‍.എഫ് വെബ്‌സൈറ്റില്‍ കുറിച്ചത്. ആ അവസ്ഥ ഇനിയും വിട്ടുമാറിയിട്ടില്ല എന്നും ആ നിമിഷങ്ങളില്‍ അനുഭവപ്പെട്ട ഭയാനക സാന്നിധ്യം ഇപ്പോഴും തന്നെ പിന്തുടരുന്നുവെന്നും സാന്‍ഡി കുറിച്ചു. വളരെ പെട്ടെന്നാണ് നാന്‍സിയുടെ ഈ കുറിപ്പ് സോഷ്യല്‍ മീഡിയയില്‍ വൈറലായത്.
