ഇന്ന് ലോകാരോഗ്യദിനം. കൊറോണ പ്രതിരോധപ്രവര്ത്തനങ്ങള്ക്കിടെയാണ് ഇത്തവണയും ലോകാരോഗ്യദിനം ആചരിക്കുന്നത്. വിവിധ ആരോഗ്യ പ്രശ്നങ്ങളെക്കുറിച്ച് ജനങ്ങളെ ബോധവാന്മാരാക്കുകയും ആരോഗ്യപൂർണ്ണമായ ജീവിതം നയിക്കാൻ അവരെ പ്രാപ്തരാക്കുകയുമാണ് ഈ ദിനത്തിന്റെ ലക്ഷ്യം. മികച്ചതും ആരോഗ്യകരവുമായ ഒരു ലോകം കെട്ടിപ്പടുക്കുക എന്നതാണ് ഇത്തവണത്തെ ലോകാരാഗ്യദിനത്തിന്റെ പ്രധാന സന്ദേശം.
1948 ൽ ലോകാരോഗ്യസംഘടന ഒരു ലോകാരോഗ്യ അസംബ്ലി സംഘടിപ്പിക്കുകയുണ്ടായി. അവിടെ ഉയർന്ന ആശയമായിരുന്നു എല്ലാ വർഷവും ലോകാരോഗ്യദിനമായി ഒരു ദിവസം ആചരിക്കുക എന്നത്. അങ്ങനെ 1950 മുതൽ എല്ലാ വർഷവും ഏപ്രിൽ 7 ലോകാരോഗ്യദിനമായി ആചരിച്ചുവരുന്നു. വിവിധങ്ങളായ ആരോഗ്യപ്രശ്നങ്ങളെക്കുറിച്ച് ലോകമെമ്പാടും ജനങ്ങളെ ബോധവത്കരിക്കുക എന്ന ലക്ഷ്യത്തോടെ നിരവധി പ്രവർത്തനങ്ങൾ ആശുപത്രികളും ആതുരശുശ്രൂഷാലയങ്ങളും കേന്ദ്രീകരിച്ച് ഈ ദിവസം നടന്നുവരുന്നു.
ഈ കൊറോണക്കാലത്ത് നല്ല ആരോഗ്യമില്ലാത്തവരുടെ സ്ഥിതി അതീവ മോശമാകുന്ന കാഴ്ചയാണ് കാണാനാകുന്നതെന്നും ദീർഘായുസ്സിന് നല്ല ആരോഗ്യം ആവശ്യമാണെന്നും ലോകാരോഗ്യ സംഘടന പറയുന്നു. എല്ലാവർക്കും നല്ല ആരോഗ്യത്തിന് അനുയോജ്യമായ ജീവിത സാഹചര്യങ്ങളും തൊഴിൽ സാഹചര്യങ്ങളും ഉണ്ടെന്ന് ഉറപ്പാക്കാൻ ഞങ്ങൾ എല്ലാ രാഷ്ട്രതലവൻമാരോടും അഭ്യർത്ഥിക്കുകയാണ്. ആരോഗ്യ അസമത്വം നിരീക്ഷിക്കാനും എല്ലാ ആളുകൾക്കും ആവശ്യമുള്ളപ്പോൾ ഗുണനിലവാരമുള്ള ആരോഗ്യ സേവനങ്ങൾ ലഭ്യമാക്കാൻ കഴിയുമെന്ന് ഉറപ്പുവരുത്തണമെന്നും സംഘടന രാജ്യങ്ങളോട് ആവശ്യപ്പെട്ടു.
Comments