സ്വന്തം വിവാഹം എങ്ങിനെ വേണം എന്നതിനെ കുറിച്ച് സ്വപ്‌നം കാണാത്തവരായി ആരുംതന്നെ ഉണ്ടാകില്ല. പലര്‍ക്കും പലവിധ സങ്കല്‍പങ്ങളായിരിക്കും. എന്നാല്‍ വിവാഹ വേളയില്‍ മറ്റാരേക്കാളും ഭംഗിയായി കാണുവാനാണ് ഏതൊരു വധുവരന്മാരും ആഗ്രഹിയ്‌ക്കാറുള്ളത്. അതിനു വേണ്ടിയുള്ള തയ്യാറെടുപ്പുകള്‍ വിവാഹത്തിന് ദിവസങ്ങള്‍ മുന്‍പേ തന്നെ അവര്‍ തുടങ്ങുകയും ചെയ്യും. വിവാഹം വസ്ത്രവും, ആഭരണങ്ങളും തുടങ്ങി എല്ലാം ഒരുക്കങ്ങളും നടത്തും. പതിനായിരങ്ങളും ലക്ഷങ്ങളും മുടക്കിയാണ് പലരും വിവാഹ വസ്ത്രങ്ങള്‍ എടുക്കാറുള്ളത്.
സ്ത്രീകള്‍ക്കൊപ്പം തന്നെ പുരുഷന്മാരും ഇപ്പോള്‍ ഇക്കാര്യങ്ങളില്‍ വളരെയധികം ശ്രദ്ധിയ്‌ക്കാറുണ്ട്. എന്നാല്‍ വെറുമൊരു ട്രൗസര്‍ മാത്രം ഇട്ടുകൊണ്ട് വിവാഹത്തിന് വരന്‍ എത്തിയാലുള്ള അവസ്ഥ ആലോചിക്കാ പറ്റമോ… എന്നാല്‍ അത്തരത്തിലൊരു വിവാഹ വീഡിയോ ആണ് ഇപ്പോള്‍ സോഷ്യല്‍ മീഡിയയില്‍ വൈറലായി കൊണ്ടിരിക്കുന്നത്. സ്വന്തം വിവാഹത്തിന് വരന്‍ എത്തിയത് ഒരു ട്രൗസര്‍ മാത്രം ഇട്ടു കൊണ്ടാണ്. വിവാഹ ചടങ്ങുകള്‍ പൂര്‍ത്തിയാക്കിയതും ഇതേ വസ്ത്രത്തില്‍ തന്നെ. ഇന്തോനേഷ്യയിലാണ് ഇത്തരത്തില്‍ ഒരു വൈറല്‍ വിവാഹം നടന്നിരിക്കുന്നത്.
വിവാഹത്തിന് തലേ ദിവസം അപകടത്തില്‍ പെട്ടതിനെ തുടര്‍ന്നാണ് വരന്‍ വിവാഹ വസ്ത്രത്തില്‍ വരാതെ ഇത്തരത്തില്‍ ട്രൗസര്‍ മാത്രം ധരിച്ച് എത്തിയത്. വാഹനം ഓടിക്കുന്നതിനിടെ പെട്ടെന്ന് ബോധം നഷ്ടപ്പെട്ട് മോട്ടോര്‍ സൈക്കിളില്‍ നിന്ന് വീഴുകയും, വീഴ്ചയില്‍ തോളില്‍ പരിക്ക് പറ്റുകയായിരുന്നു. തുടര്‍ന്ന് തോളില്‍ ശസ്ത്രക്രീയ ചെയ്തത് കാരണം കല്യാണ വസ്ത്രം ധരിക്കാന്‍ കഴിഞ്ഞില്ല. വധു എലിന്‍ഡ ദ്വി ക്രിസ്റ്റ്യാനി തന്നയാണ് വരന്‍ വിവാഹത്തിന് ഇത്തരമൊരു വേഷത്തില്‍ എത്തിയതിന്റെ കാരണം വ്യക്തമാക്കിയത്. ഈ വിവാഹം സൈബര്‍ ഇടങ്ങളില്‍ ഇതിനോടകം തന്നെ ഏറെ ചര്‍ച്ചയായി കഴിഞ്ഞു.
