ഡാർജീലിംഗ്: പശ്ചിമബംഗാളിന്റെ മലയോരമേഖലകളും തേയിലത്തോട്ടങ്ങളും ഇന്ന് തെര ഞ്ഞെടുപ്പിനായി സജീവമാവുകയാണ്. ഇന്ന് നടക്കുന്ന അഞ്ചാംഘട്ട തെരഞ്ഞെടുപ്പിലെ 13 നിയമസഭാ മണ്ഡലങ്ങൾ ഏറ്റവും നിർണ്ണായകമായ മലയോര മേഖല ഉൾപ്പെടുന്നവയാണ്.
ഇന്ത്യയിലെ ശൈത്യകാല വിനോദസഞ്ചാര മേഖലയായ ഡാർജീലിംഗ്, കാലിംപോംഗ്, ജൽപായ്ഗുഡി ജില്ലകളാണ് മലയോരങ്ങളുടെ ഭാഗമായുള്ളത്. ഡാർജീലിംഗിലെ അഞ്ച്, കാലിംപോംഗിലെ ഒരെണ്ണം, ജല്പായ്ഗുഡിയിലെ ഏഴ് എന്നിവയാണ് മലയോര നിയമസഭാ മണ്ഡലങ്ങൾ.
ഗൂർഖാസമൂഹത്തിനെ സംസ്ഥാനത്തിന് പുറത്താക്കുമെന്ന വ്യാപക പ്രചാരണത്തിന് അറുതിവരുത്തി അമിത് ഷാ നടത്തിയ പ്രചാരണങ്ങൾ മലയോര മേഖലയിലെ വിഘടനവാദത്തിന്‌ തടയിട്ടിരിക്കുകയാണ് . ദേശീയ പൗരത്വ രജിസ്റ്റർ നടപ്പായാൽ പശ്ചിമബംഗാളിലെ ഗൂർഖകൾക്ക് എല്ലാ അംഗീകാരവും നൽകുമെന്നും അമിത് ഷാ ഉറപ്പുനൽകിയിരുന്നു.
1907 മുതൽ പശ്ചിമബംഗാളിൽ കഴിയുന്ന ഗൂർഖകളെ പരിഗണിക്കാൻ കാലങ്ങളായി ഭരിച്ച കമ്യൂണിസ്റ്റ് സർക്കാറും പത്തുവർഷമായി ഭരിക്കുന്ന തൃണമൂൽ സർക്കാറും തയ്യാറായി ട്ടില്ലെന്നും അമിത് ഷാ ആരോപിച്ചിരുന്നു. ഗൂർഖകൾക്കെതിരെ നടന്ന ആക്രമണങ്ങളിൽ 1200 പേരാണ് ഇതുവരെ കൊല്ലപ്പെട്ടത്.
