ഒട്ടുമിക്ക സിനിമാ ഗാനങ്ങളും വളരെ പെട്ടെന്ന് തന്നെ സോഷ്യല്‍ മീഡിയയില്‍ വൈറലാകാറുണ്ട്. അത്തരത്തിൽ സോഷ്യൽ മീഡിയയില്‍ തരംഗമായി മാറിയ ഒരു ഗാനമാണ് വിജയ് നായകനായ മാസ്റ്റര്‍ എന്ന ചിത്രത്തിലെ സൂപ്പര്‍ ഹിറ്റായ വാത്തി കമിംഗ് എന്ന ഗാനം. കഴിഞ്ഞ കുറച്ച് ദിവസങ്ങളായി സോഷ്യല്‍ മീഡിയയില്‍ നിറഞ്ഞാടുന്നത് ഒരു വൈദികൻ ഈ ഗാനത്തിന് ചുവട് വച്ചു നടത്തിയ തകര്‍പ്പന്‍ ഡാന്‍സാണ്. വാത്തി കമിംഗ് എന്ന ഗാനത്തിന് നൃത്ത ചുവടുമായി എത്തിയ വൈദികന്‍ മറ്റാരുമല്ല ഫാദര്‍ ജോണ്‍ ചാവറയാണ്. ഒരു വിവാഹ പരിപാടിക്കിടെ വധുവിനും വരനും ആശംസകള്‍ അറിയിച്ചു കൊണ്ടുളള ഡാന്‍സിലൂടെയാണ് ഫാദര്‍ ജോണ്‍ ചാവറ സോഷ്യല്‍ മീഡിയയില്‍ കൈയടി നേടിയത്.
പ്രിയപ്പെട്ടവര്‍ക്ക് ചാവറയച്ചനാണ് അദ്ദേഹം. സോഷ്യല്‍ മീഡിയയില്‍ ആദ്യം മുതല്‍ക്കെ സജീവമാണ് ഫാദര്‍ ജോണ്‍ ചാവറ. ബാസ്‌കറ്റ്ബോള്‍ ഡ്രിബിള്‍ ചെയ്തും കുസൃതി ചിരിയോടെ വാനംമുട്ടി ഊഞ്ഞാലാടിയും എല്ലാം സോഷ്യല്‍ മീഡിയയില്‍ സ്റ്റാറാണ് ചാവറയച്ചന്‍. ഈ പ്രകടനങ്ങളുടെ എല്ലാ വീഡിയോകളും സൈബര്‍ ഇടങ്ങളില്‍ വളരെ ഹിറ്റാണ്. ചങ്ങനാശ്ശേരി എസ് ബി കോളജില്‍ ഗണിത ശാസ്ത്ര വിഭാഗത്തിലെ അധ്യാപകനാണ് ഫാദര്‍ ജോണ്‍ ചാവറ.
അടുത്ത ബന്ധുവിന്റെ വിവാഹ നിശ്ചയത്തോട് അനുബന്ധിച്ച് പ്രയപ്പെട്ടവര്‍ ആവശ്യപ്പെട്ടപ്പോള്‍ നൃത്തം ചെയ്യുകയായിരുന്നു ഫാദര്‍ ജോണ്‍ ചാവറ. എന്തായാലും ചാവറയച്ചന്റെ കിടിലന്‍ നൃത്തം സോഷ്യല്‍ മീഡിയയില്‍ ട്രെന്‍ഡിങ്ങായി മാറി കഴിഞ്ഞു. കഴിഞ്ഞ കുറച്ചു ദിവസങ്ങള്‍ക്കു മുന്‍പ് അഖില്‍ ആനന്ദിന്റെ വിവാഹ വേദിയില്‍ വാത്തി കമിംഗ് ഗാനത്തിന് ചുവടുവെച്ച വൃദ്ധി വിശാല്‍ എന്ന കൊച്ചുസുന്ദരിയുടെ വീഡിയോ സോഷ്യല്‍ മീഡിയയില്‍ വൈറലായിരുന്നു. നിരവധി പേരാണ് ഈ വീഡിയോ ഏറ്റെടുത്തത്.
