ജമ്മു: ജമ്മുകശ്മീരിൽ ഭീകരരെ സഹായിക്കുന്ന രണ്ടുപേർ പിടിയിൽ സൈന്യം നടത്തിക്കൊണ്ടിരിക്കുന്ന വ്യാപകമായ ഭീകരവിരുദ്ധ റെയ്ഡിലാണ് രണ്ടുപേരെ കണ്ടെത്തിയത്. ലഷ്കർ ഭീകരർക്ക് ഒളിതാവളവും മറ്റ് സംവിധാനങ്ങളും ഒരുക്കിക്കൊടുക്കുന്ന രണ്ടുപേരെയാണ് ജമ്മുകശ്മീർ പോലീസ് സൈന്യത്തിന്റെ സഹായത്തോടെ പിടികൂടിയത്.
‘ബന്ദിപ്പുര മേഖലയിൽ പോലീസും സി.ആർ.പി.എഫും സംയുക്തമായിട്ടാണ് റെയ്ഡ് തുടരുന്നത്.രണ്ടുപേരെ അറസ്റ്റ് ചെയ്തു. ലഷ്കർ ഭീകരർക്കായി സഹായമെത്തി ക്കുന്നവരാണിവർ. ഏറെ നാളത്തെ നിരീക്ഷണത്തെ തുടർന്നാണ് ഇവരുടെ ഭീകരബന്ധം സ്ഥിരീകരിക്കുകയും പ്രദേശം വളഞ്ഞ് പിടികൂടിുകയും ചെയ്തത്. കേസ് രജിസ്റ്റർ ചെയ്തു. കൂടുതൽ അന്വേഷണം തുടരുകയാണ്.’ ജമ്മുപോലീസ് അറിയിച്ചു.
പ്രദേശത്ത് ഭീകരർക്ക് ഒളിത്താവളം ഒരുക്കുന്നതോടൊപ്പം നിരവധി യുവാക്കളെ ഭീകരരുടെ പാതയിലേക്ക് കൊണ്ടുവരുന്നതിന് ഇവരാണ് പ്രേരിപ്പിച്ചിരുന്നതെന്നും പോലീസ് പറഞ്ഞു. കഴിഞ്ഞയാഴ്ച രണ്ട് ജയ്‌ഷെ മുഹമ്മദ് ഭീകരരേയും അവരെ സഹായിക്കുന്ന രണ്ടുപേരെയും കുൽഗാമിൽ പിടികൂടിയിരുന്നു.
