എല്ലാവരും കഴിക്കാന് ഇഷ്ടപ്പെടുന്ന ഒന്നാണ് കടല. എന്നാല് കടല കഴിക്കുമ്പോള് അല്പം ശ്രദ്ധിക്കേണ്ടതുണ്ട്. ആരോഗ്യപരമായ ഗുണങ്ങള് ഉണ്ടെങ്കിലും ചിലപ്പോള് ഇത് വില്ലനായേക്കാം. എന്നാല് ഇത് കുതിര്ത്ത് കഴിക്കുന്നതിലൂടെ ആരോഗ്യത്തിന് പല വിധത്തിലുള്ള ഗുണങ്ങള് ലഭിക്കും. കടലയില് പൊട്ടാസ്യം, പ്രോട്ടീന്, റൈബോഫ്ളാബിന്, വിറ്റാമിന് സി, വിറ്റാമിന്, കാല്സ്യം എന്നിവ അടങ്ങിയിരിക്കുന്നു. കറുത്ത കടലയും വെളുത്ത കടലയും ഉണ്ട്. കുതിര്ത്ത കടല കഴിക്കുന്നത് നിങ്ങളുടെ ശരീരത്തിന് പ്രോട്ടീന് നല്കാനുള്ള മികച്ച മാര്ഗമാണ്.എല്ലാ ദിവസവും രാവിലെ കടല കുതിര്ത്ത് കഴിക്കുന്നത് ആരോഗ്യത്തിന് വ്യത്യസ്ത രീതികളില് ഗുണം ചെയ്യും.
കൂടാതെ, വിളര്ച്ച പോലുള്ള പ്രശ്നങ്ങള്ക്ക് ഇവ പരിഹാരമാണ്. ഇതില് അയേണ് ധാരാളം അടങ്ങിയിട്ടുണ്ട്. ശരീരത്തിലെ ഹീമോഗ്ലോബിന്റെ അളവ് മെച്ചപ്പെടുത്താനും ഇവ സഹായിക്കുന്നു. ഇതില് നാരുകളും അടങ്ങിയിട്ടുണ്ട്, ഇത് ദഹനവ്യവസ്ഥയെ മെച്ചപ്പെടുത്താന് സഹായിക്കുന്നു. ഇവ ശരീരത്തില് നിന്ന് ദോഷകരമായ എല്ലാ വിഷവസ്തുക്കളെയും പുറന്തള്ളുകയും ദഹനനാളത്തെ ആരോഗ്യകരമായി നിലനിര്ത്തുകയും ചെയ്യുന്നു. കറുത്ത കടല പതിവായി കഴിക്കുന്നത് മലബന്ധം, ദഹനക്കേട് തുടങ്ങിയ ദഹന പ്രശ്നങ്ങളെ അകറ്റി നിര്ത്തുന്നു.
കുതിര്ത്ത കടലയില് ധാരാളം ആന്റി ഓക്സിഡന്റുകളും ഫൈറ്റോ ന്യൂട്രിയന്റുകളും അടങ്ങിയിട്ടുണ്ട്, ഇത് രക്തക്കുഴലുകള് ആരോഗ്യകരമായി നിലനിര്ത്തുന്നു. രക്തം കട്ടപിടിക്കുന്നത് തടയുന്ന അവശ്യ ധാതുക്കളും ഇവയിലുണ്ട്. ഹൃദയത്തിന്റെ ആരോഗ്യത്തിനായി കുതിര്ത്ത കടല കഴിക്കാവുന്നതാണ്. കുതിര്ത്ത കടല പതിവായി കഴിക്കുന്നത് ശരീരത്തിലെ രക്തത്തിലെ പഞ്ചസാരയുടെ അളവ് നിലനിര്ത്താന് സഹായിക്കുന്നു. ചീത്ത കൊളസ്ട്രോളിനെ നശിപ്പിക്കുന്നതിനും നല്ല കൊളസ്ട്രോളിനെ വര്ദ്ധിപ്പിക്കുന്നതിനും നമുക്ക് കുതിര്ത്ത കടല ശീലമാക്കാവുന്നതാണ്.
Comments