ന്യൂഡൽഹി: പശ്ചിമബംഗാളിലെ ഏഴാംഘട്ട വോട്ടെടുപ്പിൽ ജനങ്ങളെ വോട്ട് ചെയ്യാൻ പ്രേരിപ്പിച്ച് പ്രധാനമന്ത്രി നരേന്ദ്രമോദി. രാജ്യം മുഴുവൻ കൊറോണയ്ക്കെതിരെയുള്ള പോരാട്ടത്തിലാണ്. അനിവാര്യമായ ജനാധിപത്യ ദൗത്യം പൂർത്തീകരിക്കണമെന്നാണ് പ്രധാനമന്ത്രിയുടെ ആഹ്വാനം.രാജ്യം മുഴുവൻ കൊറോണയ്ക്കെതിരെയുള്ള പോരാട്ട ത്തിലാണ്. എല്ലാ നിയന്ത്രണങ്ങളും പാലിച്ചുകൊണ്ട് തന്നെ തങ്ങളുടെ സമ്മതിദാനാവകാശം വിനിയോഗിക്കണമെന്നും പ്രധാനമന്ത്രി ആവശ്യപ്പെട്ടു.
പശ്ചിമ ബംഗാളിലെ ജനത വോട്ടെടുപ്പിന്റെ ആറു ഘട്ടത്തിലും ജനാധിപത്യത്തെ ശക്തിപ്പെടു ത്തുന്നതിൽ കാണിച്ച ദൃഢനിശ്ചയത്തെ പ്രധാനമന്ത്രി അഭിനന്ദിച്ചു. ഇന്നാരംഭിച്ചിരിക്കുന്ന ഏഴാം ഘട്ട വോട്ടെടുപ്പിലും ബംഗാളിലെ ജനത തങ്ങളുടെ സമ്മതിദാനാവകാശം കരുത്താക്കി മാറ്റുമെന്ന ശുഭാപ്തിവിശ്വാസവും പ്രധാനമന്ത്രി പ്രകടിപ്പിച്ചു. ട്വിറ്ററിലൂടെയാണ് പ്രധാനമന്ത്രി പശ്ചിമ ബംഗാളിലെ ജനങ്ങളെ അഭിസംബോധന ചെയ്തത്.
ആകെ എട്ടു ഘട്ടങ്ങളായിട്ടാണ് വോട്ടെടുപ്പ്. ഇന്ന് ആരംഭിച്ചിരിക്കുന്ന ഏഴാം ഘട്ടത്തിൽ 34 നിയമസഭാ മണ്ഡലങ്ങളിലെ വോട്ടർമാരാണ് ബൂത്തിലേക്ക് എത്തിക്കൊണ്ടിരിക്കുന്നത്. ആകെ 268 സ്ഥാനാർത്ഥികളാണ് ജനസമ്മതി തേടുന്നത്. ഇതിൽ 37 പേർ വനിതകളാണ്. അവസാന ഘട്ട വോട്ടെടുപ്പ് 29-ാം തിയതി നടക്കും.വോട്ടെണ്ണൽ മെയ് 2ന് മറ്റ് സംസ്ഥാന ങ്ങൾക്കൊപ്പം തന്നെയാണ് നടക്കുക.
