ന്യൂഡൽഹി: ഇന്ത്യയിലെ കൊറോണ വ്യാപനത്തിനെ പരാമർശിച്ചും ഐക്യദാർഢ്യം പ്രഖ്യാപിച്ചും മുൻ ഇംഗ്ലീഷ് ക്രിക്കറ്റ് ടീം ക്യാപ്റ്റൻ കെവിൻ പീറ്റേഴ്സൺ. ഇന്ത്യയിലെ ദൃശ്യങ്ങൾ ഹൃദയം പിളരുന്നു. രോഗികളുടെ ദുരിതങ്ങൾ ഏറെ വർദ്ധിക്കുകയാണ്. എന്നാൽ ഇന്ത്യയുടെ പോരാട്ടം അതീവ ശക്തമാണെന്നും മനസ്സിലാക്കുന്നു.ഇന്ത്യ എല്ലാത്തിനേയും അതിജീവിക്കുമെന്ന് ഉറപ്പുണ്ടെന്നും പീറ്റേഴ്സൺ പറഞ്ഞു.
ഐ.പി.എൽ മത്സരങ്ങളുടെ കമന്റേറ്ററായിട്ടാണ് നിലവിൽ താരം ഇന്ത്യയിലുള്ളത്. എല്ലാ താരങ്ങൾക്കും ആത്മവിശ്വാസം നൽകിയാണ് പീറ്റേഴ്സൺ സന്ദേശം നൽകിയത്. ‘ ഞാൻ ഏറെ ഇഷ്ടപ്പെടുന്ന രാജ്യമാണ് ഇന്ത്യ. വലിയ ദുരന്തത്തിലൂടെ ഇന്ത്യ കടന്നുപോകുന്നത് കാണുമ്പോൾ ഏറെ വിഷമമുണ്ട്. പ്രതിസന്ധിയെല്ലാം മറികടന്ന് രാജ്യം തിരികെ എത്തും. ഇന്ത്യ കാണിക്കുന്ന കാരുണ്യവും ഔദാര്യവും ഒരിക്കലും വെറുതെയാകില്ല. ലോകം മുഴുവൻ ഇന്ത്യയ്ക്കൊപ്പമുണ്ട്’ പീറ്റേഴ്സൺ പറഞ്ഞു.
