വ്യത്യസ്തമായ നിരവധി അദ്ഭുതങ്ങളാല് സൃഷ്ടിക്കപ്പെട്ടതാണ് ലോകം. പ്രകൃതിയുടെ പലതരത്തിലുളള പ്രതിഭാസങ്ങളെ നാം കണ്ടു കേട്ടും അറിഞ്ഞിട്ടുണ്ട്. അത്തരത്തില് ഒന്നാണ് പാണ്ഡവര ബട്ടി അഥവാ പാണ്ഡവരുടെ ടോര്ച്ച്. മഹാഭാരതത്തിലെ പാണ്ഡവര് അവരുടെ വനവാസ സമയത്ത് ഒരു ടോര്ച്ചായി ഉപയോഗിച്ചതായി പറയപ്പെടുന്ന ഒരു സസ്യമാണ് പാണ്ഡവര ബട്ടി. അതു കൊണ്ടു തന്നെയാണ് ഈ സസ്യത്തിന് ഈ പേരു വരാന് കാരണവും.
ഈ സസ്യത്തിന്റെ പുതിയ തളിര് ഇലയുടെ അഗ്രത്തില് ഒരു തുള്ളി എണ്ണ ഒഴിച്ചു കത്തിച്ചാല് അത് ഒരു തരം തിരി പോലെ കത്താന് തുടങ്ങുന്നു. ഫ്രഞ്ച് മള്ബറി, കമ്പിളി മലയന് ലിലാക്ക്, വെല്വെറ്റി ബ്യൂട്ടിബെറി, നായ് കുമ്പിള്, ഉമത്തേക്ക്, തിന്പെരിവേലം, എന്ന പേരിലും ഇവ അറിയപ്പെടുന്നു. കഠിനമായ വരള്ച്ചയെ അതിജീവിക്കുന്ന ഈ ചെറുമരം തീയില് നശിച്ചു പോകില്ല.
അതിനാല് ഇവയെ കാട്ടുതീ ഉണ്ടാകാന് സാധ്യതയുള്ള സ്ഥലങ്ങളില് വെച്ചു പിടിപ്പിക്കുന്നു. ഇന്ത്യയിലും ശ്രീലങ്കയിലും പശ്ചിമഘട്ടത്തില് മാത്രം കാണപ്പെടുന്ന ഈ സസ്യം അയ്യനാര് ക്ഷേത്രം, തമിഴ്നാട്ടിലെ ഭൈരവര് ക്ഷേത്രം എന്നിവ പോലെ പല ദക്ഷിണേന്ത്യന് ക്ഷേത്രങ്ങളിലും തിരി പോലെ ഉപയോഗപ്പെടുത്തുന്നു. ഒരു ഔഷധ സസ്യമായ ഇതിന്റെ പട്ട വെറ്റില ആയി ഉപയോഗിക്കാറുണ്ട്.
Comments