മുംബൈ: പാതിവഴിയില് മുടങ്ങിയ മത്സരങ്ങള്ക്ക് ശേഷം ഐ.പി.എല്ലിന്റെ ഭാഗമായിരുന്ന ഓസ്ട്രേലിയന് താരങ്ങള് നാട്ടിലേക്ക് മടങ്ങി. ഇന്ത്യയില് നിന്നും മെയ് നാലാം തീയതി തന്നെ മാലിദ്വീപിലെ റിസോര്ട്ടുകളിലേയ്ക്ക് പോയ താരങ്ങള് രണ്ടാഴ്ചത്തെ വിശ്രമത്തിന് ശേഷമാണ് നാട്ടിലേക്ക് മടങ്ങിയത്. ഓസ്ട്രേലിയയിലേക്ക് പുറപ്പെടും മുന്നേ കൊറോണ പരിശോധനകളും പൂര്ത്തിയാക്കിയെന്ന് സ്മിത്ത് അടക്കമുള്ള താരങ്ങള് അറിയിച്ചു. പാറ്റ് കമ്മിന്സ്, ഡേവിഡ് വാര്ണര്, സ്റ്റീവ് സ്മിത്ത്, മൈക്കല് സ്ലാറ്റര് എന്നിവര് ഒരുമിച്ചാണ് മടങ്ങുന്നത്.
ഇന്ത്യയില് നിന്നും ഓസ്ട്രേലിയയിലേക്ക് വിമാനങ്ങള് റദ്ദാക്കിയതിനെ തുടര്ന്നാണ് താരങ്ങളെ ബി.സി.സി.ഐ സുരക്ഷാ ബബിള് സംവിധാനത്തിലൂടെ മാലിദ്വീപിലെത്തിച്ചത്. ഇതിനിടെ ചെന്നൈ ബാറ്റിംഗ് കോച്ചായ മൈക്ക് ഹസ്സിക്ക് കൊറോണ സ്ഥിരീകരിച്ചതിനാല് ചെന്നൈയില് തുടരുകയാണ്. ഈ ആഴ്ച തന്നെ നാട്ടിലേക്ക് പോകാനുള്ള സംവിധാനം ഒരുക്കുമെന്നും ബി.സി.സി.ഐ അറിയിച്ചു.
കൊറോണ ബാധയ്ക്കിടയിലും മികച്ച താമസ സൗകര്യം നല്കി ഓസ്ട്രേലിയന് താരങ്ങളെ മടക്കി അയക്കാന് ബി.സി.സി.ഐ നടത്തിയ ശ്രമങ്ങളെ ക്രിക്കറ്റ് ഓസ്ട്രേലിയ പ്രശംസിച്ചു.
