മലയാളികളുടെ സ്വന്തം സൂപ്പര്‍സ്റ്റാര്‍ മോഹന്‍ലാലിന്റെ ജന്മദിനം അടുത്തെത്തി. മേയ് 21 നാണ് മോഹന്‍ലാലിന്റെ ജന്മദിനം. അന്നേ ദിവസം സോഷ്യല്‍ മീഡിയ വഴി ആരാധകരുടേയും സിനിമാലോകത്തിന്റേയും ആശംസാപ്രവാഹമായിരിക്കും എന്ന കാര്യത്തില്‍ സംശയമില്ല.എങ്കിലും ഇപ്പോഴേ അതിനുള്ള ഒരുക്കത്തിലാണ് ആരാധകര്‍. ഇപ്പോള്‍ സോഷ്യല്‍ മീഡിയയില്‍ ശ്രദ്ധേയമായി കൊണ്ടിരിക്കുന്നത് മോഹന്‍ലാല്‍ സിനിമകള്‍ കൊണ്ടുളള ഒരു കേക്കാണ്.
മോഹന്‍ലാലിന്റെ 40 വര്‍ഷത്തിലേറെ നീണ്ട അഭിനയ ജീവിതത്തെ എടുത്തുകാട്ടുന്ന ഒരു ഫിലിം റീല്‍ കേക്കാണിത്. എമീസ് ബേക്ക് ഹൗസ് മെല്‍ബണ്‍ ആണ് ഈ കേക്ക് ബേക്ക് ചെയ്തിരിക്കുന്നത്. ഫുടൂര്‍സ് ആസ്ട്രേലിയ എന്ന സൗഹൃദ കൂട്ടായ്മയാണ് ഈ കേക്ക് തയ്യാറാക്കിയത്.
മഞ്ഞില്‍ വിരിഞ്ഞ പൂക്കള്‍ മുതല്‍ ലൂസിഫര്‍ വരെ മോഹന്‍ലാലിന്റെ വിജയ ചിത്രത്തിലെ നിരവധി റീലുകളാണ് കേക്കില്‍ ഉള്‍പ്പെടത്തിയിട്ടുളളത്. തിരനോട്ടം എന്ന ചിത്രത്തിലൂടെ മലയാള സിനിമയിലേക്ക് കാലെടുത്തു വെച്ച താരം ഇന്ന് മലയാള സിനിമയുടെ താരരാജാവാണ്. വില്ലനില്‍ തുടങ്ങി നായകനായി മാറിയ മോഹന്‍ ലാല്‍ മലയാളികളുടെ സ്വന്തം ലാലേട്ടന്.
Comments