മിക്ക ആളുകളേയും അലട്ടുന്ന പ്രധാന ആരോഗ്യ പ്രശ്നങ്ങളില് ഒന്നാണ് ഉദരരോഗങ്ങള്. ഭക്ഷണം അകത്തു ചെല്ലേണ്ട താമസം അസ്വസ്ഥതകള് തുടങ്ങും. മിക്ക ആളുകളിലും ഇത് അള്സറില് വരെ എത്തുന്നുണ്ട്. ഉദരരോഗങ്ങള്ക്ക് ഫലപ്രദമായ ചില പ്രതിവിധികള് അറിയാം.
1. വെളുത്തുള്ളി 15 അല്ലി ചതച്ചിട്ട് പാലില് ഇരട്ടി വെള്ളം ചേര്ത്ത് വറ്റിച്ച് പാലളവാക്കി ഒന്നോ രണ്ടോ ആഴ്ച കുടിക്കുക .
2. കറിവേപ്പില ,മുത്തിളിന്റെ ഇല ,കശുമാവിന്റെ തളിരില ,എന്നിവ സമം എടുത്ത് അരച്ച് ഒരു ചെറുനാരങ്ങ അളവില് വെറും വയറ്റില് കഴിക്കുക.
3.പച്ച ഏത്തക്ക അരച്ച് സ്ഥിരമായി കഴിക്കുക, പച്ച ഏത്തക്ക തണലില് ഉണക്കിപൊടിച്ച് വെച്ച് പാലില് ചേര്ത്ത് കുറുക്കി സ്ഥിരമായി കഴിക്കുക .
4. കൂവളത്തിന്റെ പിഞ്ചുകായുടെ മജ്ജ എടുത്ത് പഞ്ചസാര ചേര്ത്ത് കഴിക്കുക, കൂവളത്തിന്റെ കായയുടെ മജ്ജ എടുത്ത് വെയിലത്ത് വെച്ച് ഉണക്കി പൊടിച്ച് വെക്കുക .ഓരോ സ്പൂണ് വീതം പാലിലോ തേനിലോ പഞ്ചസാര ചേര്ത്തോ ദിവസവും കഴിക്കുന്നത് എല്ലാവിധ ഉദര പ്രശ്നങ്ങള്ക്കും ഉത്തമമാണ്.
5. പനികൂര്ക്കയുടെ നീരില് തേന് ചേര്ത്ത് കഴിക്കുക.
6.തുമ്പ സമൂലം കഷായം വെച്ച് കഴിക്കുക .
തുമ്പ സമൂലം 60 ഗ്രാം 12 ഗ്ലാസ് വെള്ളത്തില് തിളപ്പിച്ച് ഒന്നര ഗ്ലാസാക്കി അര ഗ്ലാസ് വീതം മൂന്നു നേരം ആഹാരത്തിന് മുമ്പ് .
7. ബീറ്റ്റൂട്ട് ജ്യൂസ് വെറും വയറ്റില് കഴിക്കുക.
8.ആര്യവേപ്പില അരച്ച് മോരില് കലക്കി കുടിക്കുക
9. തൊലി കറുത്ത ഏത്തപ്പഴം കഴിക്കുക .
10.പൂവാംകുറുന്നിലയുടെ ഇല എടുത്ത് അരച്ച് തേന് ചേര്ത്ത് ഒരു നെല്ലിക്കാവലുപ്പത്തില് രാവിലെ കഴിക്കുക. തേന് ഇല്ലാതെയും കഴിക്കാം.
11. കൂവളത്തിന്റെ ഇലയുടെ നീരില് തേന് ചേര്ത്ത് ഒരു ഔണ്സ് വീതം 21 ദിവസം തുടര്ച്ചയായി വെറുംവയറ്റില് കഴിക്കുക.
12. കറ്റാര്വാഴയുടെ ഉള്ളിലുളള ജെല് കഴിക്കുന്നതും നല്ലതാണ് .
Comments