കുട്ടി താരങ്ങളുടെ നിരവധി വീഡിയോകള് ഇന്ന് സോഷ്യല് മീഡിയയില് സജീവമാണ്. പല വീഡിയോകളും വളരെ പെട്ടെന്നുതന്നെ വൈറലാകാറുമുണ്ട്. 2017 ല് പുറത്തിറങ്ങിയ ഇന്ഡോ-അമേരിക്കന് റാപ്പര് ആയ രാജ് കുമാരിയുടെ ആദ്യത്തെ ഇന്ത്യന് ആല്ബമാണ് സിറ്റി സ്ലംസ്. ഇതിലെ ഗാനം വളരെയധികം ഹിറ്റുമായിരുന്നു. എന്നാല് വര്ഷങ്ങള്ക്ക് ശേഷം വെറും മണിക്കൂറുകള് കൊണ്ട് സോഷ്യല് മീഡിയ ആ പാട്ട് കയ്യടക്കിയിരിക്കുകയാണ്. നിരവധി പേര് ഈ ഗാനം പാടി അഭിനയിക്കുന്ന വീഡിയോ വൈറലയിട്ടുണ്ട്. എന്നാല് ഇപ്പോള് അത് പാടിയഭിനയിച്ചത് ശ്രദ്ധേയയായത് ഒരു കുഞ്ഞു മിടുക്കിയാണ്. വാലിട്ടു കണ്ണെഴുതി വട്ടപ്പൊട്ടു തൊട്ട് ആ കൊച്ചു മിടുക്കിയെ കാണുമ്പോള് ആദ്യം ഒരു മലയാളി കുട്ടിയാണെന്ന് തോന്നാം.
എന്നാല് ആളു ബംഗാളിയാണ്. കൊല്ക്കത്ത സ്വദേശിയായ എയ്ഞ്ചേല് റിതി ആണ് ആ കൊച്ചുമിടുക്കി. കഠിനമായ വരികള് പാടി അഭിനയിച്ച ആ കൊച്ചു മിടുക്കിയെ എക്സ്പ്രസ് ക്വീന് എന്നാണ് സോഷ്യല് മീഡിയയില് വിളിക്കുന്നത്. കഴിഞ്ഞ രണ്ടു ദിവസമായി ഈ കുഞ്ഞു മിടുക്കിയുടെ പ്രകടനമാണ് സോഷ്യല് മീഡിയയില് മുഴുവന്. വെറും പതിനഞ്ച് സെക്കന്ഡിന്റെ സ്റ്റാറ്റസുകളായി വന് ഹിറ്റാണ് യുകെജിയില് പഠിക്കുന്ന എയ്ഞ്ചല്. കൊല്ക്കത്ത സ്വദേശികളായ രവി മെഹ്തയുടെയും ജ്യോതി മെഹ്റയുടെയും ഏകമകളാണ്. അച്ഛന് ബിസിനസ്സുകാരനും അമ്മ പോലീസ് കോണ്സ്റ്റബിളുമാണ്.
നിരവധിപേര് ഈയൊരു ഗാനത്തിന്റെ റീല്സ് ഇന്സ്റ്റയില് അവതരിപ്പിച്ചിട്ടുണ്ടെങ്കിലും ഇത്രയും മികവോടെയും ആറ്റിട്യൂട്യോടെയും മറ്റാരും അവതരിപ്പിച്ചിട്ടില്ല. അതും ബാലപാഠങ്ങള് പഠിച്ചു വരുന്ന ഒരു ചെറിയ കുട്ടിയില് നിന്നും ഇത്തരം ഒരു ഇംഗ്ലീഷ് വരികള്ക്ക് അഭിനയത്തോടൊപ്പം വരികളും വഴങ്ങുക എല്ലാവരും അമ്പരപ്പോടെയാണ് കണ്ടത്. രൂക്ഷമായ മുഖത്ത് മിന്നിമറയുന്ന ഭാവപ്രകടനങ്ങളും കണ്ണുകളും പുരികവും ചലിപ്പിച്ചുകൊണ്ടുള്ള നൃത്തവും തല ചരിഞ്ഞു വരുന്ന സ്റ്റൈലും ഒക്കെ കോര്ത്തിണക്കി കൊണ്ടാണ് ഈ കുട്ടി ഈ ഗാനത്തിന്റെ റീല്സ് അവതരിപ്പിച്ചത്.
