മലയാളി പ്രേക്ഷകര്ക്കിടയില് സുപരിചിതയാണ് സിന്ധു വര്മ്മ. ബാലതാരമായി മലയാള സിനിമയില് അരങ്ങേറ്റം കുറിച്ച സിന്ധു വര്മ്മ മിനിസ്ക്രീനില് സജീവമാണ്. ‘വര്ഷങ്ങള് പോയതറിയാതെ’ എന്ന സിനിമയില് മേനകയുടെ ബാല്യകാലം അഭിനയിച്ചു കൊണ്ടാണ് മലയാള സിനിമാരംഗത്ത് സിന്ധു തന്റെ അരങ്ങേറ്റം കുറിച്ചത്. പിന്നീട് പത്തോളം മലയാള സിനിമകളില് താരം അഭിനയിച്ചിട്ടുണ്ട്. മലയാളികളുടെ പ്രിയതാരം ജഗന്നാഥവര്മ്മയുടെ മകനും നടനുമായ മനു വര്മ്മയുടെ ഭാര്യയാണ് സിന്ധു വര്മ്മ.
ഒരു ടെലിഫിലിമില് ഒരുമിച്ച് അഭിനയിക്കുന്നതിനിടെയാണ് ഇരുവരും തമ്മില് പ്രണയത്തിലാകുന്നതും തുടര്ന്ന് വിവാഹം കഴിക്കുന്നതും. മിനി സ്ക്രീനില് ഏറെ ആരാധകരുളള താരദമ്പതികളാണിവര്. ഗിരിധര്, ഗൗരി എന്നിങ്ങനെ രണ്ട് മക്കളാണ് ഈ ദമ്പതികള്ക്കുള്ളത്. മൂത്ത മകന് ഗിരിധര് പന്ത്രണ്ടാം ക്ലാസില് പഠിക്കുന്നു.
സന്തോഷങ്ങള്ക്കിടയിലും ഈ ദമ്പതികള്ക്ക് തീരാ വേദനയാണ് ഏകമകള് ഗൗരി.സാധാരണ കുട്ടികളെ പോലെ ഓടി നടക്കാനോ കളിക്കാനോ സംസാരിക്കാനോ അവള്ക്കാകില്ല. ജീവിതം വീല്ചെയറില് കഴിച്ചു കൂട്ടുകയാണ് ഗൗരി. തലച്ചോറിലെ ചില നാഡീ പ്രവര്ത്തനങ്ങളുടെ തകരാറിനു ചികിത്സയിലാണ് ഗൗരി. കുട്ടിയുടെ ചികിത്സയ്ക്കു വേണ്ടി രാജ്യത്ത് പലയിടങ്ങളില് പോയെങ്കിലും ഫലമൊന്നുമുണ്ടായില്ല. രണ്ട് പ്രധാന സര്ജറികള് നടത്തി എന്നിട്ടും ഫലംകണ്ടില്ല.
എങ്കിലും എന്നെങ്കിലും ഈ അവസ്ഥയില് നിന്നും മാറ്റമുണ്ടാകുമെന്ന പ്രതീക്ഷയിലാണ് ഇവര്. പതിനൊന്നു വയസായി ഇപ്പോള് മോള്ക്ക്. എന്നാല് അവളുടെ കാര്യങ്ങള്ക്ക് ഒരു കുറവും വരുത്താറില്ല. .ഷൂട്ടിങ്ങും മറ്റും പോകുമ്പോള് രണ്ടുപേരും മാറിമാറിയാണ് പോകാറുള്ളത്.
