തിരുവനന്തപുരം: തിരുവനന്തപുരം ആർസിസിയിൽ ലിഫ്റ്റ് തകർന്നു വീണ് പരുക്കേറ്റ് ചികിത്സയിലായിരുന്ന യുവതി മരിച്ചു. പത്തനാപുരം സ്വദേശിനി നദീറയാണ് മരിച്ചത്. 22 വയസായിരുന്നു. ഇന്ന് പുലർച്ചയോടെയാണ് മരണം.
മെയ് മാസം 15ന് ആർസിസിയിൽ ചികിത്സയിൽ കഴിയുന്ന അമ്മയെ സന്ദർശിക്കാനെത്തിയപ്പോഴാണ് ലിഫ്റ്റ് തകർന്ന് വീണ് നദീറയ്ക്ക് പരിക്കേറ്റത്. അപകടത്തിൽ തലച്ചോറിനും തുടയെല്ലിനും ഗുരുതരമായി പരിക്കേറ്റ നദീറ തിരുവനന്തപുരം മെഡിക്കൽ കോളേജ് ആശുപത്രിയിൽ ചികിത്സയിലായിരുന്നു.
ആർസിസി ജീവനക്കാരുടെ ഗുരുതര വീഴ്ചയാണ് നദീറയുടെ ദുരവസ്ഥയ്ക്ക് കാരണമെന്ന് വിമർശനം ഉയർന്നിരുന്നു. ഏഴാം നിലയിലായിരുന്നു അമ്മ ചികിത്സയിൽ കഴിഞ്ഞിരുന്നത്. രണ്ടാം നിലയിൽ നിന്ന് ലിഫ്റ്റിലേക്ക് കയറിയ നദീറ ഉടൻ തന്നെ താഴേക്ക് പതിയ്ക്കുകയായിരുന്നു. അപായ സൂചന നൽകാതെ അറ്റകുറ്റപണിക്കായി തുറന്നിട്ട ലിഫ്റ്റാണ് തകർന്നു വീണത്.
Comments