പാമ്പ് എന്നു കേള്ക്കുന്നതു തന്നെ നമ്മളില് പലര്ക്കും പേടിയാണ്. ഉഗ്രവിഷമുള്ള പാമ്പിന്റെ കൊത്ത് കിട്ടിയാല് മരണം ഉറപ്പാണ്. എന്നാല് എത്ര പേടിയുളളവരും ഈ പാമ്പിനെ ഒന്നു നോക്കും. കാരണം ആള് ഇത്തിരി ഗ്ലാമറാണ്. കാലിഫോര്ണിയയിലെ റെപ്റ്റൈല് സൂ നടത്തുന്ന ജെയ് ബ്രൂവര് ആണ് താന് സംരക്ഷിക്കുന്ന പാമ്പുകളില് ഏറ്റവും ഗ്ലാമറുള്ള പാമ്പിനെ പരിചയപ്പെടുത്തിയത്. സമൂഹ മാധ്യമങ്ങളില് ഇപ്പോള് വൈറലാകുന്നത് ഈ താരമാണ്.
പെരുമ്പാമ്പിന്റെ ഇനത്തില് പെട്ട ഭീമന് പാമ്പിന്റെ നിറം യഥാര്ത്ഥത്തില് കറുപ്പാണ്. പക്ഷെ നേരിട്ട് സൂര്യപ്രകാശം ഏല്ക്കുമ്പോള് ചെതുമ്പലുകളില് പ്രതിഫലിക്കുന്നത് വിവിധ വര്ണങ്ങളാണ്. ഏറെക്കുറെ മഴവില്ലിലെ എല്ലാ നിറങ്ങളും പ്രതിഫലിക്കും. അതുകൊണ്ട് തന്നെ പാമ്പാണെങ്കിലും കക്ഷിയെ കാണാന് നല്ല ഭംഗിയാണ്. കണ്ടാല് ആരും ഒന്നു നോക്കി പോകും.
അത് പക്ഷെ നിറത്തിന്റെ കാര്യത്തില് മാത്രമല്ല താരതമ്യേന ശാന്ത സ്വഭാവക്കാരനാണ് ഈ പാമ്പ്. അതുകൊണ്ട് തന്നെ പാമ്പിന് ജെയ് ബ്രൂവര് ഒരു പേര് നല്കിയിട്ടുണ്ട്, മൈലവ്. ഈ ഗ്ലാമര് താരത്തിന്റെ നിരവധി വീഡിയോകളാണ് ബ്രൂവര് ഇന്സ്റ്റാഗ്രാമില് പോസ്റ്റ് ചെയ്തിരിക്കുന്നത്. അവയ്ക്കെല്ലാം മില്യണ് കണക്കിന് ലൈക്കുകളും ലഭിച്ചിട്ടുണ്ട്. തന്റെ പാമ്പിന് ശേഖരത്തിലെ ഏറ്റവും ഭംഗിയുള്ളതാണ് ഈ പാമ്പ് എന്ന് ജെയ് ബ്രൂവര് പറയുന്നു.
