ലണ്ടൻ: വിംബിൾഡണിൽ അട്ടിമറിയോടെ തുടക്കം. ഫ്രഞ്ച് ഓപ്പൺ ഇത്തവണത്തെ റണ്ണേഴ്സ് അപ്പായ മൂന്നാം സീഡ് സ്റ്റെഫാനോ, സിറ്റ്സിപാസ് ആദ്യ റൗണ്ടിൽ പുറത്തായി. അമേരി ക്കയുടെ സീഡ് ചെയ്യപ്പെടാത്ത താരം ഫ്രാൻസെസ് തിയോഫെസാണ് ഗ്രീക്ക് താരത്തെ തകർത്തത്. ഇതിനിടെ ഒന്നാം സീഡ് നൊവാക് ജോക്കോവിച്ച് രണ്ടാം റൗണ്ടിലെത്തി.
നേരിട്ടുള്ള സെറ്റുകൾക്കാണ് സിറ്റ്സിപാസ് പുറത്തായത്. 4-6, 4-6, 3-6 എന്ന സ്കോറിനാണ് തിയോഫെസ് സിറ്റ്സിപാസിനെ തോൽപ്പിച്ചത്. രണ്ടാം മത്സരത്തിൽ 4-6, 6-1, 6-2, 6-2 എന്ന സ്കോറിനാണ് ജോക്കോവിച്ചിന്റെ ജയം. ബ്രിട്ടന്റെ ജാക് ഡ്രാപറിനെയാണ് തോൽപ്പിച്ചത്.
വനിതകളിൽ പത്താം സീഡ് പെട്രോ ക്വിറ്റേവയും ആദ്യ റൗണ്ടിൽ പുറത്തായി. അതേസമയം അരൈന സെബലങ്ക, ഗാർബൈൻ മുഗുരുസ, മാർഡി കീസ് എന്നിവർ രണ്ടാം റൗണ്ടിലെത്തി.
