ലണ്ടൻ: ഇന്ത്യയുടെ മിക്സഡ് ഡബിൾ സഖ്യം ഇന്ന് രണ്ടാം മത്സരത്തിനിറങ്ങുന്നു. സാനിയാ മിർസ-റോഹൻ ബൊപ്പണ്ണ സഖ്യമാണ് രണ്ടാം മത്സരത്തിനിറങ്ങുന്നത്. ആദ്യ മത്സരത്തിൽ ഇന്ത്യയുടെ തന്നെ രാംകുമാർ രാംനാഥൻ-അങ്കിത റെയ്ന സഖ്യത്തെയാണ് സാനിയ-ബൊപ്പണ്ണ സഖ്യം തോൽപ്പിച്ചത്.6-2, 7-6 എന്ന നിലയിൽ നേരിട്ടുള്ള സെറ്റുകൾക്കാണ് ഇന്ത്യൻ സീനിയർ സഖ്യം വിജയിച്ചത്.
ഇന്നു നടക്കുന്ന രണ്ടാം മത്സരത്തിൽ ബ്രീട്ടീഷ് സഖ്യത്തോടാണ് ഇന്ത്യൻ സഖ്യം ഏറ്റുമുട്ടുന്നത്. ബ്രിട്ടന്റെ ഏയ്ഡൻ മക്ഹ്യൂഗ്- എമിലി വെബ്ലേ സ്മിത്ത് സഖ്യമാണ് സാനിയ-ബൊപ്പണ്ണ സഖ്യത്തെ നേരിടുന്നത്.
