തിരുവനന്തപുരം : പൂജപ്പുരയിൽ പൂട്ടിക്കിടന്ന വീടിന്റെ ഗേറ്റ് സാമൂഹ്യവിരുദ്ധർ മോഷ്ടിച്ചു. കെആർആർഎ 205 എഫിൽ റംസൂട്ട് ബീവിയുടെ വീടിന്റെ വലിയ ഗേറ്റാണ് മോഷണം പോയത്. സംഭവത്തിൽ ബീവി പോലീസിനും തിരുവനന്തപുരം മേയർ ആര്യാ രാജേന്ദ്രനും പരാതി നൽകി.
രാത്രിയാകാം ഗേറ്റ് കടത്തിക്കൊണ്ടു പോയതെന്നാണ് പോലീസിന്റെ പ്രാഥമിക നിഗമനം. വാഹനമില്ലാതെ ഇത്രയും വലിയ ഗേറ്റ് കൊണ്ടുപോകുക പ്രയാസമാണ്. എന്നാൽ വാഹനത്തിന്റെ ശബ്ദം കേട്ടില്ലെന്നാണ് പ്രദേശവാസികൾ പറയുന്നത്.
ഇതിന് മുൻപും ഇതേ വീടിന് നേരെ സാമൂഹ്യവിരുദ്ധരുടെ ആക്രമണം നടന്നിട്ടുണ്ട്. വീട്ടിലെ വാട്ടർ ടാങ്കും പൈപ്പുകളും അക്രമികൾ നശിപ്പിച്ചിട്ടുണ്ടെന്ന് വീട്ടുട പറയുന്നു.
വീട്ടുടമയുടെ പരാതിയിൽ പോലീസ് അന്വേഷണം ആരംഭിച്ചു. പ്രദേശത്തെ സിസിടിവി ദൃശ്യങ്ങൾ ഉൾപ്പെടെ പരിശോധിക്കുന്നുണ്ട്.
Comments