റിയോ: കോപ്പാ അമേരിക്കയിൽ പെറുവിനെ ഏകഗോളിന് തോൽപ്പിച്ച് ബ്രസീൽ ഫൈനലിൽ. നാളെ നടക്കുന്ന അർജ്ജന്റീന-കൊളംബിയ രണ്ടാം സെമിഫൈനൽ വിജയികളായിരിക്കും ബ്രസീലിന്റെ എതിരാളികൾ.
ആദ്യ പകുതിയിൽ തന്നെ ബ്രസീൽ മുൻതൂക്കം നേടി. 35-ാം മിനിറ്റിൽ നെയ്മറുടെ നീക്ക ത്തിൽ ലഭിച്ച പാസ് പക്വേറ്റ വലയിലെത്തിച്ചാണ് മത്സരത്തിലെ ഏക ഗോൾ ടീമിന് സമ്മാനിച്ചത്. ഏഴു ഷോട്ടുകൾ കാനറികൾ പായിച്ചിട്ടും പെറുവിയൻ പ്രതിരോധം അതെല്ലാം സമർത്ഥമായി തടഞ്ഞു.
റിച്ചാർലിസണിനെ സ്ട്രൈക്കറാക്കി വേറിട്ട ശൈലിയിലാണ് ബ്രസീലിൻ നിര സെമിയിൽ ഇറങ്ങിയത്. നെയ്മറു പക്വേറ്റേയും എവർട്ടനും മുന്നേറ്റനിരയിൽ രണ്ടാമതായി നിലയുറപ്പി ച്ചതോടെ പെറുവിന്റെ പ്രതിരോധ നിര ശരിക്കും വിയർത്തു. നാലുപേരെ മദ്ധ്യനിരയിലും അഞ്ചുപേരെ പ്രതിരോധ നിരയിലേയ്ക്കും പിൻവലിച്ചാണ് പെറു കാനറികളെ തടഞ്ഞത്.
