മുംബൈ : ഉത്തർപ്രദേശിന്റെ പുതിയ ജനസംഖ്യാനയത്തെ പ്രശംസിച്ച് മുൻ മഹാരാഷ്ട്ര മുഖ്യമന്ത്രി ദേവേന്ദ്ര ഫഡ്നാവിസ്. ഇത്തരം നയങ്ങൾ ആവശ്യമെങ്കിൽ രാജ്യമൊട്ടാകെ നടപ്പിലാക്കണമെന്ന് അദ്ദേഹം അഭിപ്രായപ്പെട്ടു. മാദ്ധ്യമങ്ങളോട് ആയിരുന്നു അദ്ദേഹത്തിന്റെ പ്രതികരണം.
ആവശ്യമെങ്കിൽ ജനസംഖ്യാ നയം രാജ്യമൊട്ടാകെ നടപ്പാക്കണം. ഇതിനായി ചൈനയെപ്പോലെയാകാൻ താത്പര്യമില്ല. എന്നാൽ ജനസംഖ്യ നിയന്ത്രിക്കേണ്ടത് ആവശ്യമാണ്. നമ്മൾ ജീവിക്കുന്നത് ജനാധിപത്യരാജ്യത്തിലാണ്. ജനങ്ങൾക്ക് സഹായങ്ങൾ നൽകികൊണ്ടാണ് ഇത്തരം നിയമങ്ങൾ നമ്മൾ നടപ്പാക്കുന്നതെങ്കിൽ, ജനസംഖ്യ നിയന്ത്രണ വിധേയമാകുമെന്നകാര്യം തീർച്ചയാണെന്നും ഫട്നാവിസ് പറഞ്ഞു.
2021-2030വരെയാണ് ഉത്തർപ്രദേശിൽ സർക്കാർ ജനസംഖ്യാനയം നടപ്പിലാക്കുന്നത്. ലോകജനസംഖ്യാ ദിനമായ ഞായറാഴ്ചയാണ് മുഖ്യമന്ത്രി യോഗി ആദിത്യനാഥ് നയം ഔദ്യോഗികമായി പ്രഖ്യാപിച്ചത്. നയവുമായി ബന്ധപ്പെട്ട കരട് കഴിഞ്ഞ ദിവസം സർക്കാർ വെബ്സൈറ്റിൽ പ്രസിദ്ധീകരിച്ചിട്ടുണ്ട്.
Comments