ന്യൂഡൽഹി : കൊറോണയുടെ മൂന്നാം തരംഗത്തെ നേരിടാൻ ഇന്ത്യയുടെ കൊവാക്സിൻ ഫലപ്രദം. ഐസിഎംആർ നടത്തിയ പുതിയ പഠനത്തിലാണ് ഇക്കാര്യം തെളിഞ്ഞത്. ഇതുമായി ബന്ധപ്പെട്ട വസ്തുതകൾ ഐസിഎം ആർ പുറത്തുവിട്ടിട്ടുണ്ട്.
കൊറോണ വൈറസിന്റെ ഡെൽറ്റ പ്ലസ് വകഭേദമാണ് രാജ്യത്ത് മൂന്നാം തരംഗത്തിന് കാരണമാകുക. ഇതിനെതിരെ പ്രതിരോധ ശേഷി വർദ്ധിപ്പിക്കാൻ കൊവാക്സിന് കഴിയുമെന്നാണ് പഠനത്തിലെ കണ്ടെത്തൽ. ഇത് രാജ്യത്തിന് വലിയ ആശ്വാസമാണ്
അതിതീവ്ര വ്യാപന ശേഷിയുള്ള വൈറസാണോ ഡെൽറ്റ പ്ലസ് എന്ന് കണ്ടെത്താൻ ഗവേഷകർക്ക് സാധിച്ചിട്ടില്ല. ഇത് വലിയ ആശങ്കയാണ് ഉളവാക്കുന്നത്. നിലവിൽ നല്ലൊരു ശതമാനം ആളുകളും കൊവാക്സിൻ സ്വീകരിച്ചിട്ടുണ്ട്. ഈ സാഹചര്യത്തിൽ മൂന്നാം തരംഗം രണ്ടാം തരംഗം പോലെ രൂക്ഷമാകില്ലെന്നാണ് വിലയിരുത്തൽ.
ഐസിഎം ആറിന്റെ സഹകരണത്തോടെ ഭാരത് ബയോടെക് ആണ് കൊവാക്സിൻ നിർമ്മിച്ചത്.
