ടോക്കിയോ: കാണികളില്ലാതെ നടത്തിയ ടോക്കിയോ ഒളിമ്പിക്‌സിൽ 458 പേർക്ക് കൊറോണ സ്ഥിരീകരിച്ചു. ഇതിൽ 28 പേർക്ക് ഞായറാഴ്‌ച്ചയാണ് രോഗം സ്ഥിരീകരിച്ചത്. രോഗം സ്ഥിരീകരിച്ചവരെല്ലാവരും നിരീക്ഷണത്തിലാണെന്നും ഗുരുതര ആരോഗ്യപ്രശ്‌നങ്ങൾ ഒന്നും ഇതുവരെ റിപ്പോർട്ട് ചെയ്തിട്ടില്ലെന്നും സംഘാടക സമിതി അറിയിച്ചു.
പുതിയ കേസുകളിൽ അത്‌ലറ്റുകളില്ല. മൊത്തം കേസുകളിൽ ജപ്പാൻകാരായ രോഗിബാധിതർ 307 ആണ്. ജപ്പാനിലെ 29 അത്‌ലറ്റുകളേയും രോഗം ബാധിച്ചിട്ടുണ്ട്. കൂടാതെ ടോക്കിയോ ഒളിമ്പിക്‌സ് റിപ്പോർട്ടിങ്ങിനെത്തിയ മാദ്ധ്യമപ്രവർത്തകരിൽ 26 പേർക്കും രോഗം സ്ഥിരീകരിച്ചിട്ടുണ്ട്.
രോഗം സ്ഥിരീകരിച്ചവരിൽ 115 പേർ വിവിധ ഗെയിംമുകളുമായി ബന്ധപ്പെട്ട സന്നദ്ധ പ്രവർത്തകരാണ്. ടോക്കിയോ ഒളിമ്പിക്‌സിൽ വിദേശത്ത് നിന്നുമാത്രം നാലായിരത്തിലധം ആളുകളാണ് എത്തിയത്.
ഞായറാഴ്‌ച്ച സമാപിച്ച ടോക്കിയോ ഒളിമ്പിക്സില്‍ 39 സ്വര്‍ണം അടക്കം 113 മെഡലുകള്‍ നേടിയ അമേരിക്കയാണ് പട്ടികയില്‍ ഒന്നാമത്. രണ്ടാം സ്ഥാനത്തുള്ള ചൈനക്ക് 38 സ്വര്‍ണം അടക്കം 88 മെഡലുകള്‍ ലഭിച്ചപ്പോള്‍ ആതിഥേയരായ ജപ്പാന്‍ 27 സ്വര്‍ണം ഉള്‍പ്പെടെ 58 മെഡലുകള്‍ നേടി മൂന്നാമതായി. മെഡല്‍ പട്ടികയില്‍ ഇന്ത്യയുടെ സ്ഥാനം 48 ആണ്.
