ബെംഗളൂരു: എല്ലാം വെർച്ച്വലായി മാറുന്ന ഈ കാലഘട്ടത്തിൽ ഉപഭോക്താക്കൾക്ക് ഒരു വെർച്ച്വൽ ഷോറൂം അനുഭവം നൽകുകയാണ് ടൊയോട്ട കിർലോസ്കർ മോട്ടർ(ടികെഎം). ഉപഭോക്താക്കൾക്ക് അവരുടെ ഇഷ്ട ബ്രാൻഡായ ടൊയോട്ടയുടെ ഏതു വാഹനവും ഇനി ഓൺലൈനായി കാണുവാനും ബുക്ക് ചെയ്യുവാനും സാധിക്കും.
വാഹനം വാങ്ങാൻ വരുന്നവർക്ക് സാമ്പത്തിക ആനുകൂല്യങ്ങൾക്കും വായ്പകൾക്കും അപേക്ഷ നൽകാനും ഇതിലൂടെ സാധിക്കും. ഒരു ആപ്ലിക്കേഷൻ പോലും ഡൗൺലോഡ് ചെയ്യാതെ തന്നെ വെർച്ച്വൽ ഷോറൂം അനുഭവം ഉപഭോക്താക്കൾക്ക് ലഭിക്കും.
ഉപഭോക്താക്കൾക്ക് 360-ഡിഗ്രിയിൽ അവരുടെ ഇഷ്ട വണ്ടിയുടെ അകമേയുള്ളതും പുറമേയുള്ളതുമായ സൗകര്യങ്ങൾ നോക്കി കാണുവാൻ സാധിക്കും. വണ്ടിയുടെ ഡോറുകൾ തുറക്കുവാൻ, ലൈറ്റുകൾ പ്രവർത്തിപ്പിക്കുവാൻ പല നിറത്തിലുള്ള വേരിയന്റുകളുടെ വില അറിയുവാൻ എന്നിങ്ങനെ പല സൗകര്യങ്ങളും ഈ വെർച്ച്വൽ ഷോറുമിൽ ഒരുക്കിയിട്ടുണ്ട്. ടൊയോട്ട ഭാരതിന്റെ വെബ്സൈറ്റിൽ www.toyotabarat.com/virtual-showroom/ എന്ന ലിങ്കിൽ ഈ നവ്യാനുഭവം ഉപഭോതാക്കൾക്ക് കാണാനാകും
കൊറോണ പ്രതിസന്ധിമൂലം വിദ്യാഭ്യാസവും വിപണിയും ഉൾപ്പെടെ എല്ലാം ഡിജിറ്റലായി മാറി. ഈ കാലഘട്ടത്തിൽ സുരക്ഷയെ മുൻനിർത്തി എല്ലാവരും സമ്പർക്കമില്ലാത്ത സാഹചര്യങ്ങൾക്ക് മുൻഗണന നൽകുന്നു. കൊറോണ വ്യാപനം വരുത്തിവെച്ച വിപണിയിലെ നഷ്ടം മറികടക്കാനും ഇതിലൂടെ കഴിയുമെന്നാണ് പ്രതീക്ഷയെന്ന് സെയിൽസ് ആൻഡ് സ്ട്രാറ്റജിക് സാർക്കറ്റിങ്ങ് അസോസിയേറ്റ് ജനറൽ മാനേജർ(എജിഎം)വി. വൈസ്ലൈൻ സിഗാമണി പറഞ്ഞു.
ഈ മാറ്റത്തിലൂടെ വാഹന വിപണിയുടെ പുതിയ തലത്തിലേക്ക് കടന്നിരിക്കുകയാണ് ടൊയോട്ട. 8367683676 എന്ന നമ്പറിലൂടെ ടൊയോട്ടയുമായി ബന്ധപ്പെടാനുള്ള സൗകര്യവുമുണ്ട്.
Comments