ലക്നൗ: 75ാം സ്വാതന്ത്യദിനത്തിൽ ത്രിവർണ്ണ നിറത്തിലുളള മധുരപലഹാരങ്ങളുമായി ലക്നൗവിലെ ബേക്കറിയുടമ. ലക്നൗവിലെ ചാപ്പൻ ഭോഗ് ബേക്കറിയാണ് രാജ്യത്തിന് ആദരമായി മധുര പലഹാരങ്ങൾക്ക് ത്രിവർണം നൽകിയത്.
ദേശീയ പതാകയിലെ പോലെ പലഹാരത്തിന് നിറം നൽകാൻ വെളള നിറത്തിന് പാലും, ഓറഞ്ച് നിറത്തിന് കാശ്മീർ കുങ്കുമവും, പച്ച നിറത്തിന് പിസ്തയും ചീരയുമാണ് ചേരുവകളായി ചേർത്തതെന്ന് കടയുടമ രവീന്ദ്ര ഗുപ്ത പറഞ്ഞു.
75 -ാമത് സ്വാതന്ത്ര്യദിനം ആഘോഷിക്കുന്ന രാജ്യത്തിനുളള ഉപഹാരമാണ് ഞങ്ങളുടെ മധുരപലഹാരങ്ങളിൽ അടങ്ങിയിരിക്കുന്നത്. ഇന്ത്യയുടെ ഭൂപടത്തിന്റെ ആകൃതിയിൽ തീർത്ത പലഹാരത്തിൽ പുരാതന ഭാരതത്തിന്റെ സമൃദ്ധിയെ സൂചിപ്പിക്കാൻ സ്വർണ്ണക്കുരുവിയെയും ചേർത്തിട്ടുണ്ട്.
