മട്ടന്നൂര്: കണ്ണൂര് രാജ്യാന്തര വിമാനത്താവളത്തില് നിന്ന് ഫുജൈറയിലേക്കുള്ള ഇന്ഡിഗോയുടെ വിമാന സര്വീസ് ഒക്ടോബര് 25 മുതല് പുനരാരംഭിക്കും. വിന്റര് ഷെഡ്യൂളിന്റെ ഭാഗമായാണ് സര്വീസ് വീണ്ടും തുടങ്ങുന്നത്. കണ്ണൂര്-ഫുജൈറ റൂട്ടില് ഇന്ഡിഗോ പ്രതിദിന സര്വീസ് നടത്തും. പുതിയ സമയക്രമം അനുസരിച്ച് എല്ലാ ദിവസവും രാത്രി 9.30ന് കണ്ണൂരില് നിന്ന് പുറപ്പെടുന്ന വിമാനം പ്രാദേശിക സമയം രാത്രി 11.30ന് ഫുജൈറയിലെത്തും.
ഫുജൈറയില് നിന്ന് പുലര്ച്ചെ 4.05ന് വിമാനം പുറപ്പെട്ട് രാവിലെ 9.15ന് കണ്ണൂരിലെത്തും. കണ്ണൂരില് നിന്ന് യുഎഇയിലേക്ക് യാത്ര ചെയ്യുന്ന പ്രവാസികള്ക്കും യുഎഇയില് നിന്ന് വടക്കന് കേരളത്തിലേക്ക് എത്തുന്നവര്ക്കും സര്വീസ് പുനരാരംഭിക്കുന്നത് കൂടുതല് യാത്രാ സൗകര്യമൊരുക്കും.
