കാബൂൾ : അഫ്ഗാനിൽ ഭീകരാക്രമണം നടത്തി കാബൂളിലേയ്‌ക്ക് പ്രവേശിച്ച താലിബാൻ ഭീകരരുടെ വീഡിയോ സമൂഹമാദ്ധ്യമങ്ങളിൽ പ്രചരിക്കുന്നു. ഈ നിമിഷങ്ങൾ ആഹ്ലാദത്തോടെ പങ്കുവെക്കുന്ന ഭീകരരുടെ ദൃശ്യങ്ങൾ വീഡിയോയിൽ കാണാം. എന്നാൽ വിജയാഘോഷം നടത്തുന്ന ഭീകരർക്കിടയിൽ മലയാളി കൂടി ഉണ്ടായിരുന്നു എന്ന വിവരങ്ങളും പുറത്തുവരുന്നുണ്ട്.
കാബൂളിലെത്തിയതിന്റെ സന്തോഷത്തിൽ കരയുന്ന ഭീകരനെ മറ്റൊരാൾ ആശ്വിസിപ്പിക്കുന്ന ദൃശ്യങ്ങളാണ് വീഡിയോയിലുള്ളത്. സമീപത്ത് നിന്നും കുറെയേറെ ആളുകൾ സംസാരിക്കുന്ന ശബ്ദവും കേൾക്കാം. ഇതിനിടെ മലയാളത്തിലും ചിലർ സംസാരിക്കുന്നുണ്ട്. ഈ വീഡിയോ വൈറലായതോടെ താലിബാൻ ഭീകരസംഘടനയിലെ മലയാളികളുടെ പങ്കിനെ രൂക്ഷമായി വിമർശിച്ചുകൊണ്ട് നിരവധി പേരാണ് രംഗത്തെത്തിയത്. സംഭവത്തിൽ അന്വേഷണം വേണമെന്ന ആവശ്യവും ഉയരുന്നുണ്ട്.
https://twitter.com/RamizReports/status/1426839635725070337?s=19&fbclid=IwAR2J2iFnwf5D5Tiq4vPVfoSPgqQvWiLIs1ZivgBUUKOYANXqvpFjHsI4Krw
താലിബാൻ ഉൾപ്പെടെയുള്ള ഭീകര സംഘടനകളിൽ പ്രവർത്തിക്കാൻ കേരളത്തിൽ നിന്നും നിരവധി പേർ രാജ്യം വിട്ടിട്ടുണ്ട് എന്ന് കേന്ദ്ര ഏജൻസികൾ വ്യക്തമാക്കിയിരുന്നു. ഇസ്ലാമിക ഭീകരരുടെ കെണിയിൽ പെടുന്ന മുസ്ലീം യുവാക്കൾ രാജ്യത്തിനെതിരെ പ്രവർത്തിക്കുന്നുണ്ട് എന്നും കേന്ദ്ര അന്വേഷണ ഏജൻസികൾ കണ്ടെത്തി. എന്നാൽ സംസ്ഥാന മുഖ്യമന്ത്രി പിണറായി വിജയൻ ഇത് നിഷേധിക്കുകയാണ് ചെയ്തത്.
