ടോക്കിയോ: പാരാലിമ്പിക്‌സിന് ഇന്ന് തുടക്കം. ടോക്കിയോ ഒളിമ്പിക്സ് വേദിയിൽ നടക്കുന്ന ദിവ്യാംഗരുടെ ലോകകായികമേളയിൽ 160 രാജ്യങ്ങളുടെ 4400 കായിക താരങ്ങളാണ് മാറ്റുരയ്‌ക്കുന്നത്.1960ലാണ് പാരാലിമ്പിക്‌സ് മത്സരങ്ങൾക്ക് തുടക്കം കുറിച്ചത്.
റിയോ ഒളിമ്പിക്‌സിലെ ഹൈജംപിൽ സ്വർണ്ണം നേടിയ മാരിയപ്പൻ തങ്കവേലു ഇന്ത്യൻ പതാകയേന്തും. മലയാളി ഷൂട്ടറായ സിദ്ധർത്ഥ് ബാബുവും ഇന്ത്യൻ സംഘത്തിലുണ്ട്. ഇന്ത്യ 54 താരങ്ങളെയാണ് ഇത്തവണ ഇറക്കുന്നത്. ഇത്തവണ 5 സ്വർണ്ണമടക്കം 15 മെഡലുകൾ ലക്ഷ്യമിട്ടാണ് ഇന്ത്യൻ താരങ്ങൾ ഇറങ്ങുന്നത്. 9 ഇനങ്ങളിലായിട്ടാണ് 54 താരങ്ങൾ ടോക്കിയോവിൽ മത്സരിക്കുന്നത്. 5 സ്വർണ്ണമടക്കം 15 മെഡലുകളാണ് പുരുഷ വനിതാ താരങ്ങൾ ലക്ഷ്യമിടുന്നത്.
