ന്യൂഡൽഹി; ചാമ്പ്യൻ ദ്വീപ് ഗെയിമുകൾക്കൊപ്പം പാരാലിമ്പിക്സിന്റെ ആവേശം പകരാൻ ഗൂഗിളിൽ പുതിയ ഡൂഡിൽ ഗെയിമുകൾ. ഒളിമ്പിക്സിന്റെ ആവേശം ആഘോഷിക്കുന്നതിനാണ് ഗെയിം ആദ്യം ഗൂഗിളിൽ രൂപകൽപ്പന ചെയ്ത് ആരംഭിച്ചത്. ടോക്കിയോ 2020 പാരാലിമ്പിക് ഗെയിംസ് ഇന്നുമുതൽ സെപ്തംബർ 5 വരെയാണ് നടക്കുന്നത്.
ഡൂഡിലിന്റെ ഗെയിംസ് വില്ലേജ് ദ്വീപിൽ ഒരുക്കിയ വിവിധ ഗെയിമുകളിലേക്കാണ് ഡൂഡിൽ വിഡിയോ നമ്മെ കൂട്ടിക്കൊണ്ടുപോകുന്നത്. ഗൂഗിൾ ഹോംപേജിലുള്ള ഡൂഡിലിൽ ക്ലിക് ചെയ്ത് ഗെയിമിൽ പ്രവേശിക്കാവുന്നതാണ്. ലക്കിയെന്ന് പൂച്ചയാണ് ഗെയിമിലെ പ്രധാന കഥാപാത്രം.
ഡൂഡിൽ ചാമ്പ്യൻ ഐലൻഡ് ഗെയിമിൽ ഏഴു മിനി ഗെയിമുകളാണുള്ളത്. 162 രാജ്യങ്ങളിൽ നിന്നായി നാലായിരത്തി നാനൂറോളം താരങ്ങളാണ് പാരാലിംപിക്സിൽ പങ്കെടുക്കുന്നത്. 539 ഇനങ്ങളിലാണ് ഇക്കുറി മത്സരങ്ങളുണ്ടാവുക. 54 പേരാണ് ഇന്ത്യയിൽ നിന്ന് ചാമ്പ്യൻഷിപ്പിൽ പങ്കെടുക്കുന്നത്.
