ന്യൂഡൽഹി: ലോകത്തിലെ ഏറ്റവുമധികം നിരീക്ഷണമുള്ള നഗരങ്ങളുടെ പട്ടികയിൽ പ്രഥമ സ്ഥാനം ഡൽഹിക്ക് സ്വന്തം. യുഎസിലെ ന്യൂയോർക്ക്, ചൈനയിലെ ഷാങ്ഹായ്, യുകെയിലെ ലണ്ടൻ തുടങ്ങിയ മറ്റ് പ്രധാന അന്താരാഷ്ട്ര നഗരങ്ങൾക്കിടയിൽ, ഈ പട്ടികയിൽ ഇടം പിടിക്കുന്ന ഇന്ത്യൻ നഗരങ്ങളിൽ ഒന്നാണ് ഡൽഹി. ചെന്നൈയാണ് പട്ടികയിലുള്ള മറ്റൊരു ഇന്ത്യൻ നഗരം.
ഫോർബ്സ് ഇന്ത്യ നടത്തിയ പഠനത്തിലാണ് ഇക്കാര്യം വ്യക്തമായത്. ഡൽഹിയിൽ ഒരു ചതുരശ്ര മൈലിൽ 1,826.6 സിസിടിവികൾ ഉണ്ട്.
തമിഴ്നാടിന്റെ തലസ്ഥാന നഗരമായ ചെന്നൈയിൽ ഒരു ചതുരശ്ര മൈലിൽ 609.9 ക്യാമറകളാണുള്ളത്. ഇതോടെ പട്ടികയിലെ മൂന്നാം സ്ഥാനത്താണ് ചെന്നൈ. ഡൽഹിക്ക് തൊട്ടുപിന്നാലെ ഒരു ചതുരശ്ര മൈലിൽ 1138.5 സിസിടിവികളുമായി ലണ്ടനാണ് രണ്ടാം സ്ഥാനത്ത്.
