തിരുവന്തപുരം: ഇന്ദ്രൻസിന്റെ പുതിയ സസ്പെൻസ് ചിത്രമായ ‘വിത്തിൻ സെക്കന്റസിന്റെ’ ഫസ്റ്റ്ലുക്ക് പോസ്റ്റർ പുറത്തിറങ്ങി. തലയിൽ ചോരപ്പാടുമായിയുളള ഇന്ദ്രൻസിന്റെ ചിത്രമാണ് ഫസ്റ്റ്ലുക്ക് പോസ്റ്ററിൽ പ്രത്യക്ഷപ്പെട്ടത്. വിജേഷ് പി വിജയനാണ് ചിത്രത്തിന്റെ സംവിധായകൻ.
സുധീർ കരമന, അലൻസിയർ, സെബിൻ സാബു, ബാജിയോ ജോർജ്, സാൻറിനോ മോഹൻ, മാസ്റ്റർ അർജുൻ സംഗീത്, സരയൂ മോഹൻ, അനു നായർ, വർഷ ഗെയ്ക്വാദ്, സീമ ജി നായർ തുടങ്ങിയവരാണ് ചിത്രത്തിൽ മറ്റു കഥാപാത്രങ്ങളെ അവതരിപ്പിക്കുന്നത്.
ഡോ: സംഗീത് ധർമ്മരാജൻ, വിനയൻ പി വിജയൻ എന്നിവർ ചേർന്നാണ് രചന നിർവ്വഹിച്ചിരിക്കുന്നത്. അനിൽ പനച്ചൂരാന്റെ വരികൾക്ക് രഞ്ജിൻ രാജാണ് സംഗീതം പകരുന്നത്. ബോൾ എൻറർടെയ്ൻമെൻറിന്റെ ബാനറിലാണ് നിർമ്മാണം.കൊല്ലം, പുനലൂർ, കുളത്തുപ്പുഴ, ആര്യങ്കാവ്, തെന്മല എന്നിവിടങ്ങളിലാണ് ചിത്രീകരണം നടന്നത്.
