ടോക്കിയോ: പാരാലിമ്പിക്സിൽ ഇന്ത്യയ്‌ക്ക് അഞ്ചാം സ്വർണ്ണം. സിംഗിൾസ് ബാഡ്മിന്റൺ എസ്എച്6 വിഭാഗത്തിൽ ഇന്ത്യയുടെ കൃഷ്ണ നഗർ സ്വർണം നേടി. ഫൈനലിൽ ഹോങ്കോങ്ങിന്റെ ചു മാൻ കായ്‌ക്കെതിരെ ഒന്നിനെതിരെ രണ്ട് സെറ്റുകളിലാണ് വിജയം.
ജയ്പൂരിൽ നിന്നുള്ള 22-കാരനായ കൃഷ്ണ, എതിരാളിയെ 21-17, 16-21, 21-17 എന്ന നിലയിൽ പരാജയപ്പെടുത്തി.
പുരുഷ സിംഗിൾസ് എസ്എൽ 4 വിഭാഗത്തിൽ ഇന്ത്യയുടെ സുഹാസ് യതിരാജ് വെള്ളി മെഡൽ കരസ്ഥമാക്കിയിരുന്നു. ഇതോടെ ടോക്കിയോ പാരാലിമ്പിക്സിൽ ഇന്ത്യയുടെ മെഡൽ നേട്ടം 19 ആയി ഉയർന്നു. നിലവിൽ പോയന്റ് പട്ടികയിൽ 24ാം സ്ഥാനത്താണ് ഇന്ത്യ.
