ന്യൂഡൽഹി: രാജ്യത്ത് ഓഗസ്റ്റിൽ മാത്രം നടത്തിയ വാക്സിനേഷൻ എല്ലാ ജി7 രാജ്യങ്ങളുടെയും ആകെ കുത്തിവെയ്പ്പിനേക്കാൾ അധികം വരുമെന്ന് കേന്ദ്ര സർക്കാർ. ഇന്ത്യയിൽ 180 ദശലക്ഷത്തിലധികം വാക്സിൻ ഡോസുകളാണ് ഓഗസ്റ്റിൽ വിതരണം ചെയ്തത്. കാനഡ, യുകെ, യുഎസ്, ഇറ്റലി, ജർമനി, ഫ്രാൻസ്, ജപ്പാൻ തുടങ്ങിയ ജി7 രാജ്യങ്ങളെല്ലാം ചേർന്ന് ഓഗസ്റ്റിൽ നടത്തിയ കുത്തിവെയപ്പുകളേക്കാൾ കൂടുതലാണിതെന്നും കേന്ദ്ര സർക്കാർ വ്യക്തമാക്കി.
Yet another achievement! With more than 180 million vaccine doses administered in the month of August, India leaves a mark on the Global map of leading its way in vaccinating its population on priority. #LargestVaccineDrive pic.twitter.com/ftvdHVIWMk
— MyGovIndia (@mygovindia) September 5, 2021
ജി7 രാജ്യങ്ങളിൽ 40 ദശലക്ഷം ഡോസുകൾ കുത്തിവെയ്പ്പ് നടത്തിയ ജപ്പാനാണ് ഏറ്റവും മുന്നിൽ. കാനഡയാണ് ഏറ്റവും കുറവ് വാക്സിനേഷൻ നടത്തിയ രാജ്യം. വെറും മൂന്ന് ദശലക്ഷം ഡോസുകളാണ് കാനഡയിൽ വിതരണം ചെയ്തത്.
ഓഗസ്റ്റിൽ 180 ദശലക്ഷം ഡോസുകൾ കുത്തിവെയ്പ്പ് നടത്തിയ ഇന്ത്യയിൽ ആകെ വാക്സിനേഷൻ 68.46 കോടി കവിഞ്ഞുവെന്നാണ് റിപ്പോർട്ട്. പ്രതിദിനം ഒരു കോടി ഡോസുകൾ എന്ന ലക്ഷ്യത്തോടെ കൊറോണയ്ക്കെതിരെ അടിയുറച്ച പോരാട്ടമാണ് ഇന്ത്യ നടത്തുന്നത്. 24 മണിക്കൂറിനിടെ ഒരു കോടിയിലധികം ആളുകൾ വാക്സിൻ സ്വീകരിച്ച് ഒന്നിലേറെ തവണ രാജ്യം റെക്കോർഡ് സൃഷ്ടിച്ചിരുന്നു.
