മുംബൈയിൽ കൊറോണ കേസുകൾ ഉയരുന്നു; കണക്കുമായി ബിഎംസി അധികൃതർ

മുംബൈ: മുംബൈ നഗരങ്ങൾ വീണ്ടും കൊറോണ പ്രതിസന്ധയിൽ. നഗരത്തിൽ കൊറോണ കേസുകൾ വീണ്ടും കൂടുന്നതായി കണക്കുകൾ. മുംബൈ മുൻസിപ്പൽ കോർപ്പേറഷനാണ് ഇക്കാര്യം അറിയിച്ചത്

സെപ്റ്റംബർ മാസത്തെ ആദ്യ ആറു ദിവസം കൊണ്ട് തന്നെ നഗരത്തിൽ 2,570 പുതിയ കൊറോണ കേസുകളാണ് റിപ്പോർട്ട് ചെയ്തത്. ഓഗസ്റ്റ് മാസം മുഴുവൻ മുംബൈയിൽ 9,147 കേസുകളുണ്ടായിരുന്നു. ആറു ദിവസത്തിനിടെ നഗരത്തിൽ 21 പേരാണ് കൊറോണ ബാധിച്ചു മരിച്ചത്.നഗരത്തിൽ 157 പേരാണ് കഴിഞ്ഞ മാസത്തിൽ മരിച്ചത്. 2,700 ആയി കുറഞ്ഞിരുന്ന നഗരത്തിലെ ആക്റ്റിവ് കേസുകൾ ഇപ്പോൾ 3,771 ആയി വർധിച്ചിട്ടുണ്ട്.

കൊറോണ കേസുകൾ കാരണം നഗരത്തിലെ 44 കെട്ടിടങ്ങളാണ് സീൽ ചെയ്തത്. പ്രതിദിനം
1,290 കേസുകൾ വർദ്ധിച്ചു.

മഹാരാഷ്‌ട്രയിലെ നഗരങ്ങളിൽ നടക്കുന്ന ഗണേശോത്സവങ്ങളിൽ ആയിരക്കണക്കിനു വിശ്വാസികൾ പങ്കെടുക്കാറുണ്ട്. ഇക്കുറി കൊറോണ പ്രോട്ടോകോളുകൾ കർശനമായി പാലിക്കണമെന്ന് മുംബൈ പോലീസ് നിർദേശിച്ചിരിക്കുകയാണ്. മാനദണ്ഡങ്ങൾ ലംഘിക്കുന്നവർക്കെതിരേ നടപടിയുണ്ടാവുമെന്ന മുന്നറിയിപ്പും നൽകിയിട്ടുണ്ട്.