അങ്കാറ: ലോക റെക്കോർഡ് കരസ്ഥമാക്കാൻ ആളുകൾ പല തരത്തിലുള്ള അഭ്യാസ പ്രകടനങ്ങൾ കാഴ്ച വെയ്ക്കുക പതിവാണ്. എന്നാൽ കാണികളെ ആവേശത്തിന്റെ കൊടുമുടി കയറ്റിയിരിക്കുകയാണ് ഇറ്റാലിയൻ സ്റ്റണ്ട് പൈലറ്റ് ഡാരിയോ കോസ്റ്റ. തുർക്കിയിലെ ദൈർഘ്യമേറിയ രണ്ട് തുരങ്കങ്ങളിലൂടെ വിമാനം പറത്തിയാണ് കോസ്റ്റ ലോക റെക്കോർഡിൽ ഇടം നേടിയത്.
ഓസ്ട്രിയൻ കമ്പനിയായ റെഡ് ബുൾ അവരുടെ ട്വിറ്ററിലൂടെയാണ് ദൃശ്യങ്ങൽ പങ്കുവെച്ചത്. കാഴ്ചക്കാരുടെ ചങ്കിടിപ്പ് വർധിപ്പിക്കുന്ന ദൃശ്യങ്ങൾ നിമിഷങ്ങൾക്കകം തന്നെ സാമൂഹിക മാദ്ധ്യമങ്ങളിൽ വൈറലായി.
ഇരട്ട തുരങ്കങ്ങളിലൂടെ വിമാനം പറത്തി റെക്കോർഡ് സ്വന്തമാക്കുന്ന ആദ്യ വ്യക്തികൂടെയാണ് കോസ്റ്റ. രണ്ടു തുരങ്കങ്ങൾക്കും കൂടി 2.6 കിലോമീറ്റർ നീളമുണ്ടായിരുന്നു. ശരാശരി 245.07 കിലോമീറ്റർ വേഗത്തിലാണ് കോസ്റ്റ വിമാനം പറത്തിയത്. 43.44 സെക്കൻഡുകൾക്കുള്ളിൽ അദ്ദേഹം ദൗത്യം പൂർത്തീകരിച്ചു.
ഇസ്താംബൂളിലെ കാറ്റൽക്ക ജില്ലയിലെ തുരങ്കങ്ങളാണ് സാഹസിക പ്രകടനത്തിന് വേദിയായത്. വിമാനത്തിൽ ഏറ്റവും ദൈർഘ്യമേറിയ തുരങ്കപ്പറക്കലിന്റെ ഗിന്നസ് റെക്കോർഡ് കൂടിയാണ് കോസ്റ്റ കുറിച്ചത്.
so Dario Costa just became the first person to fly a plane through TWO tunnels and we are literally speechless🤯 #givesyouwiiings #worldrecord pic.twitter.com/Uk3RFqeVPZ
— Red Bull (@redbull) September 4, 2021
Comments