തൃശൂർ: ലൗ ജിഹാദും നർക്കോർട്ടിക്ക് ജിഹാദുമുണ്ടെന്ന പാലാരൂപതാ ബിഷപ്പ് മാർ ജോസഫ് കല്ലറങ്ങാട്ടിന്റെ പ്രസ്താവനയെ പിന്തുണച്ച് ഇരിങ്ങാലിക്കുട ബിഷപ്പ് പോളി കണ്ണൂക്കാടൻ. ലൗ ജിഹാദിനും നാർക്കോട്ടിക്ക് ജിഹാദിനുമെതിരെ കരുതൽ വേണമെന്ന് അദ്ദേഹം പറഞ്ഞു. പാലാ ബിഷപ്പിന്റെ പ്രസ്താവന ചർച്ചയായതിന് പിന്നാലെയാണ് പിന്തുണയുമായി കൂടുതൽ പേർ എത്തിയിരിക്കുന്നത്.
ലവ്ജിഹാദിനും നാർക്കോർട്ടിക് ജിഹാദിനുമെതിരെ കരുതൽ വേണം. മാതാപിതാക്കൾ ഇക്കാര്യത്തിൽ കൂടുതൽ ജാഗ്രത കാണിക്കണം. ക്രൈസ്തവ കുടുംബങ്ങളിൽ നാല് കുട്ടികളെങ്കിലും വേണമെന്നും ബിഷപ്പ് പോളി കണ്ണൂക്കാടൻ പറഞ്ഞു. നാർക്കോട്ടിക്ക്, ലവ് ജിഹാദുകൾക്ക് കത്തോലിക്കാ പെൺകുട്ടികളെ ഇരയാക്കുകയാണെന്നായിരുന്നു പാലാ ബിഷപ്പിന്റെ പ്രസ്താവന.
ക്രൈസ്തവ കുടുംബങ്ങൾ ജാഗ്രത പാലിക്കണമെന്നും ജിഹാദുകൾക്ക് സഹായം നൽകുന്ന ഒരു വിഭാഗം കേരളത്തിൽ പ്രവർത്തിക്കുന്നുണ്ടെന്നും അദ്ദേഹം പറഞ്ഞിരുന്നു. അതേസമയം ബിഷപ്പിന്റെ പ്രസ്താവനയ്ക്കെതിരെ കടുത്ത നിലപാടുമായി എത്തിയിരിക്കുകയാണ് മുസ്ലീം സംഘടനകൾ. ബിഷപ്പ് മാർ ജോസഫ് കല്ലറങ്ങാട്ടിനെതിരെ കേസെടുക്കണമെന്ന് കോർഡിനേഷൻ കമ്മിറ്റി കോട്ടയം ജില്ലാ പോലീസ് മേധാവിക്ക് പരാതി നൽകിയിട്ടുണ്ട്.
Comments