വാഷിംഗ്ടൺ: ടോക്കിയോ ഒളിമ്പിക്സിലെ ഗുസ്തിയിൽ സ്വർണജേതാവായിരുന്ന ഗേബിൾ സ്റ്റീവെസൺ പ്രശസ്ത ഗുസ്തി കമ്പനിയായ ഡബ്യു ഡബ്യു ഇ യിൽ ചേർന്നു. ഇരുപത്തിയൊന്നുകാരനായ സ്റ്റീവെസൺ ടോക്കിയോ ഒളിമ്പിക്സിൽ പുരുഷന്മാരുടെ 125 കിലോ വിഭാഗം ഫ്രീസ്റ്റെൽ വിഭാഗം ഗുസ്തിയിൽ സ്വർണമെഡൽ ജേതാവായിരുന്നു.
ബാല്യകാല സ്വപ്നം പൂർത്തികരിച്ചു എന്നാണ് പുതിയ ചുവട് വെയ്പ്പിനെ കുറിച്ച് ഔദ്യോഗിക വിവരം പുറത്ത് വിട്ട് കൊണ്ട് സ്റ്റീവെസൺ പറഞ്ഞത്. തന്നെ മുൻ ഡബ്യു ഡബ്യു ഇ സൂപ്പർതാരവും മെഡൽ ജേതാവുമായ കുർട്ട ആംഗിളുമായി താരതമ്യം ചെയ്യരുതെന്ന് സ്റ്റീവെസൺ ആരാധകരോട് അഭ്യർത്ഥിച്ചു.
ലോകത്തിലെ മികച്ച ഗുസ്തിക്കാരൻ ലോകത്തിലെ ഏറ്റവും മികച്ച ഗുസ്തി കമ്പനിയിലേക്ക് വരന്നു എന്നാണ് പ്രശസ്ത അമേരിക്കൻ ഗുസ്തി താരം സേത്ത് റോളിൻസ് ട്വിറ്ററിൽ കുറിച്ചത്.നിരവധി പേരാണ് താരത്തിന്റെ ഇടികൂട്ടിലെ പ്രകടനത്തിനായി കാത്തിരിക്കുന്നത്.
