തെന്നിന്ത്യന് സൂപ്പര്താരം അല്ലു അര്ജുന് തന്റെ കടയില് എത്തിയതിന്റെ സന്തോഷത്തിലാണ് ആന്ധ്രാപ്രദേശിലെ തട്ടുകട ഉടമ. പുതിയ ചിത്രം പുഷ്പയുടെ ലൊക്കേഷനിലേക്കുള്ള യാത്രക്കിടെയാണ് അല്ലു അര്ജുന് തട്ടുകടയില് എത്തിയത്. ആന്ധ്രാപ്രദേശിലെ കിഴക്കന് ഗോദാവരി ജില്ലയിലെ മരെഡുമില്ലി വനമേഖലയിലായിരുന്നു ഷൂട്ടിങ് നിശ്ചയിച്ചിരുന്നത്. ഇവിടെ നിന്നുള്ള യാത്രക്കിടയിലാണ് വഴിയരികിലെ കടയില് അല്ലു അര്ജുന് ഇറങ്ങിയത്.
താരത്തെ കണ്ട് അമ്പരന്ന ഹോട്ടല് ഉടമയെ വീണ്ടും ഞെട്ടിച്ചുകൊണ്ട് താരം ദോശയും ഓര്ഡര് ചെയ്തു. ദോശ കഴിച്ച് പോകാനായി പുറപ്പെട്ട താരം പണം നല്കിയപ്പോള് പണം വാങ്ങാന് ഉടമ തയ്യാറായില്ല. എന്നാല് താരം നിര്ബന്ധിച്ച് പണം കൈയ്യില് ഏല്പ്പിച്ചു. ആയിരം രൂപയാണ് അല്ലു അര്ജുന് തട്ടുകടയുടെ ഉടമയ്ക്ക് നല്കിയത്.
മാത്രമല്ല അദ്ദേഹത്തിന്റെ വിശേഷങ്ങള് ചോദിച്ചറിയാനും താരം മറന്നില്ല. സാമ്പത്തിക സ്ഥിതിയെ കുറിച്ച് ചോദിച്ച താരത്തോട് അല്പം പ്രയാസത്തിലാണെന്നായിരുന്നു ഹോട്ടല് ഉടമയുടെ മറുപടി. ഇതോടെ സഹായ സന്നദ്ധതയും താരം അറിയിച്ചു. ഹൈദരാബാദിലേക്ക് വരാനും അവിടെ ജോലി കണ്ടെത്താന് സഹായിക്കാമെന്നും താരം ഹോട്ടല് ഉടമയോട് പറഞ്ഞു.
Comments