സാൻഫ്രാൻസിസ്കോ: ആപ്പിൾ പുതിയ സ്മാർട്ട് ഫോൺ പുറത്തിറക്കി.ആപ്പിൾ ഐഫോൺ 13 സീരീസാണ് പുറത്തിറക്കിയത്. സാൻഫ്രാൻസിസ്കോയിലെ ആപ്പിൾ ആസ്ഥാനത്ത് നിന്നും വെർച്വലായാണ് ആപ്പിൾ ഐഫോൺ അടക്കമുള്ള തങ്ങളുടെ പുതിയ ഉപകരണങ്ങൾ പുറത്തിറക്കിയത്. ഐപാഡ് മിനി, ആപ്പിൾ വാച്ച് 7 എന്നിവയും ആപ്പിൾ ഈ ചടങ്ങിൽ പുറത്തിറക്കി
അഞ്ച് നിറങ്ങളിലാണ് ഫോൺ പുറത്തിറക്കിയിരിക്കുന്നത്. പിങ്ക്, ബ്ലൂ,മിഡ്നെറ്റ്,സ്റ്റാർലൈറ്റ്,ചുവപ്പ് നിറങ്ങളിലാണ് ഫോൺ ലഭിക്കുക. ഐപി68 വാട്ടർ റെസിസ്റ്റൻറ് സിസ്റ്റത്തോടെയാണ് ഐഫോൺ 13 എത്തുന്നത്. ഐഫോൺ 13, ഐഫോൺ 13 മിനി എന്നിവയ്ക്ക് കൂടിയ ബാറ്ററി ശേഷിയാണ് ആപ്പിൾ ഇത്തവണ വാഗ്ദാനം ചെയ്യുന്നത്. സൂപ്പർ റെറ്റിന എക്സ്ഡിആർ കസ്റ്റം ഒഎൽഇഡി ഡിസ്പ്ലേയാണ് ഈ ഫോണിന് ഉള്ളത്. ഐഫോൺ 13 സ്ക്രീൻ വലിപ്പം 6.1 ഇഞ്ചാണ്. ഐഫോൺ 13 മിനിയുടെ സ്ക്രീൻ വലിപ്പം 5.4 ഇഞ്ചാണ്. ആപ്പിളിന്റെ പുതിയ എ15 ബയോണിക് ടീഇ ചിപ്പാണ് ഐഫോൺ 13 ശ്രേണിയിലുള്ള ഫോണുകളുടെ പ്രധാനസവിശേഷതയായി കമ്പനി അവകാശപ്പെടുന്നത്
ഐഫോൺ 12 ശ്രേണിയുടെ എ14 ബയോണിക് ചിപ്പിനേക്കാൾ 50% കൂടുതൽ മികച്ച പ്രകടനം കാഴ്ച വയ്ക്കുന്നതാണ് എ15 ബയോണിക് ടീഇ ചിപ്പ് എന്നാണ് ആപ്പിളിന്റെ അവകാശവാദം. പുതിയ ഐഫോൺ 13 പതിപ്പുകളും ഡിസ്പ്ലേയുടെ വലുപ്പം മുൻഗാമികളുടേതിന് സമാനമാണ്. നിരവധി സവിശേഷതകളോടെ അവതരിപ്പിച്ച ആപ്പിൾ ഐഫോൺ സെപ്തംബർ 20 മുതൽ വിപണിയിൽ ലഭ്യമാകും.
Comments