മുംബൈ: ഇന്ത്യൻ ക്രിക്കറ്റ് ടീം പരിശീലക സ്ഥാനത്തേക്ക് അനിൽ കുംബ്ലേ മടങ്ങിവരുമെന്ന സൂചന ശക്തമാകുന്നു. നിലവിൽ മുഖ്യപരിശീലകനായ രവിശാസ്ത്രി ടി20 ലോകകപ്പ് സമാപിക്കുന്നതോടെ പടിയിറങ്ങുകയാണ്. ഇതിന് ബദലായാണ് അനിൽകുംബ്ലയുടെ പേര് പുറത്തുവരുന്നത്.
വി.വി.എസ് ലക്ഷമണിന്റെ പേരും പരിശീലക സ്ഥാനത്തേക്ക് പരിഗണിച്ചിട്ടുണ്ട്. 2016-17 സീസണിൽ പരിശീലകൻ എന്ന നിലയിൽ കുംബ്ലേ ടീം ഇന്ത്യയുടെ ഭാഗമായിരുന്നു. നിലവിൽ ഐ.സി.സി അച്ചടക്ക സമിതി ചെയർമാനായി പ്രവർത്തിക്കുകയാണ്.
വിരാട് കോഹ്ലിയുമായുള്ള അസ്വാരസ്യമാണ് അനിൽ കുംബ്ലേ ടീം വിടാൻ കാരണമെന്നാണ് ക്രിക്കറ്റ് രംഗത്തെ വാർത്തകൾ. ഇന്ത്യൻ ക്രിക്കറ്റ് ടീമിലെ ക്യാപ്റ്റൻ സ്ഥാനത്തേക്ക് കോഹ്ലിക്ക് പകരക്കാരനെ കണ്ടെത്താൻ ശ്രമം നടക്കുന്ന എന്ന വാർത്തയ്ക്ക് പിന്നാലെയാണ് കുംബ്ലെയുടെ പേരും പുറത്തുവരുന്നത്. രോഹിത് ശർമ്മ ടി20 ക്യാപ്റ്റനാകുമെന്നും കോഹ്ലി രോഹിതിനെ തഴയാൻ ശ്രമിച്ചെന്നുമുള്ള ചർച്ചകൾ സജീവമാണ്. കോഹ് ലിയെ മാറ്റാനുള്ള സൗരവ് ഗാംഗുലിയുടേയും ജയ് ഷായുടേയും തീരുമാനങ്ങളുടെ ആദ്യപടിയാണ് കുംബ്ലയെ കൊണ്ടുവരാനുള്ള നീക്കമെന്നാണ് സൂചന.
Comments